दुर्घटना अपडेट ः काकडभिट्टा बाट बुटवलका लागि छुटेको बस खोलामा खस्यो ,एकको मृत्यु,२५ घाइते

दयाराम आचार्य

कावासोती ।नवलपरासीको कावासोती १४, मा आज बिहान बस आफै अनियन्त्रित भई खोलामा खस्दा एक जनाको मृत्यु भएको छ ,२५ जना घाइते भएका छन् । काकडभिट्टा बाट बुटवलका लागि छुटेको ना ४ ख ७०४६ नम्बरको बस कावासोती– १४ स्थित झिनकी भणरिनिया खोलामा खसेको हो ।
बस खोलामा खस्दा भारतको महाराजगंज घर भएका ३५ वर्षीय गौरीशंकर धोवीको मृत्यु भएको छ । दुर्घटनामा परि २५ जना घाइते भएका छन् । घाइते मध्य चार जनाको अवस्था चिन्ताजनक रहेको जिल्ला प्रहरी कार्यालय नवलपरासी पूर्वले जनाएको छ । घाइतेहरुको भरतपुर,बुटवल र स्थानिय मेडिकलमा उपचार भईरहेको प्रहरीले जनाएको छ । बस सडक देखी करिब २५ मिटर तल खसेको थियो ।