नवलपुरमा भिषण हावाहुरी सहित भारी वर्षा

कावासोती । पूर्बि नवलपरासी (नवलपुर)मा अहिले भिषण हावाहुरी सहित ठुलो वर्षा भईरहेको छ । यो क्रम भोली सम्म जारी रहने सम्भावना रहेकाले सचेत रहन मौसमविद्हरुले आग्रह गरेका छन् । मौसमविद् बरुण पौडेलका अनुसार हिजो बाटै देशको पश्चिमी भाग बाट सुरु भएको हावाहुरी सहितको पानी आज मध्य नेपाल सम्म आईपुग्ने बताए ।
अहिले निकै ठुलो पानी र हावाहुरी परिरहेकाले सचेत रहन सबैमा आग्रह गरिएको छ । यस्तो बेला चट्याङ्गको पनि डर हुने भएकाले घर भित्रै बस्न पनि मौसमविद्को सुझाव छ । यस वर्ष बैशाख सकिन लाग्दा पनि गर्मि महसुस भएको छैन् । प्राय पानी परिरहेकाले यस्तो भएको हो । तर अब धेरै पानी पर्दा बालीनालीमा असर पुग्न थालेकाले किसान भने चिन्तीत भएका छन् ।