कावासोतीमा मोटरसाईकल चोरी गर्ने ३ जना पक्राउ

ज्ञानु पंगेनी
कावासोती । मोटरसाईकल चोरी गर्ने ३ जनालाई जिल्ला प्रहरी कार्यालय नवलपरासी पुर्वले पक्राउ गरेको छ । कावासोती नगरपालिका १० मगरकोट निवासी तारा वहादुर महतोको लु ३० प ५२५७ नम्बरको पल्सर मोटरसाईकल यहि साउन १२ गते राति पिढींमा राखेको अवस्थामा चोरी भएको थियो । महतोले चोरी भएको बारे मंगलबार (हिज) जिल्ला प्रहरी कार्यालयमा उजुरी दिएपछि प्रहरीले चोरको खोजी सुरु गरेको थियो ।
अनुषन्धानका क्रममा चोरहरुको बारेमा सुराक पत्ता लगाई बुझ्दा उक्त मोटसाईकल कावासोती १५ शेरगञ्ज निवासी २६ वर्षका शंकर तामाङ , सोहि ठाउका १९ वर्षका उमेश महतो र १९ वर्षकै दुलामनी महतोले चोरी गरेको खुल्न आएकाले उनीहरुलाइ पक्राउ गरिएको जिल्ला प्रहरी कार्यालय नवलपरासी पूर्वका प्रहरी नायव उपरिक्षक मोहन बहादुर खाँणले जानकारी दिए ।
पक्राउ परेका तिनै जनालाई चोरी मुद्धा दर्ता गरि म्याद थप गरेर अनुषन्धान भईरहेको खाँणले बताए ।