सिद्धार्थ माविका विद्यार्थीद्धारा जिल्ला अस्पतालका नर्सलाई सम्मान

शर्मीला चापागाई
कावासोती । ५९ औं नर्सिङ दिवस नवलपुरमा पनी विभिन्न कार्यक्रमहरुको आयोजना गरी मनाइएको छ ।
दिवसका अवसरमा सिद्धार्थ आवसीय माविका विद्यार्थीबाट मध्यबिन्दु जिल्ला अस्पतालमा कार्यरत नर्सहरुलाई सम्मान गरिएको छ ।
नर्सहरुको पेशागत हकहित र सुरक्षाका लागि भन्दै वि।सं २०१८ माघ १५ गते आजकै दिन नेपाल नर्सिङ संघको स्थापना भएको थियो । नर्सिङ संघको स्थापनाको दिन पारेर हरेक वर्ष माघ १५ गते नेपाल नर्सिङ दिवस मनाउँदै आइएको छ ।
दिवसका अवसरमा जिल्ला अस्पतालमा एक औपचारीक कार्यक्रमको आयोजना गरी कावासोती ३ मा रहेको सिदार्थ आवासीय मा वि मा अध्ययनरत विद्यार्थीहरुले गठन गरेको सिदार्थ चाइल्ड क्लवका विधार्थीहरुले जिल्ला अस्पतालमा कार्यरत १२ जना नर्सहरुलाई मायाँको चिनो प्रदान गरेर सम्मानत गरेका हुन ।
कार्यक्रममा बोल्दै सिर्दाथ आवासिय मा वि का सहायक प्रिन्सिपल अशोक पौडेलले क्लबले विभिन्न कार्यक्रम गर्दै आएको जानकारी गराउँदै स्वास्थ्यको क्षेत्रमा अग्रपङतीमा रहेर खटिने नर्सहरुको योगदानको कदर गर्ने उदेश्यले अस्पताल संगको सहकार्यमा सम्मान कार्यक्रम आयोजना गरिएको बताउनुभयो ।
यस्तै कार्यक्रममा बोल्दै जिल्ला अस्पतालका डाक्टर शिवराज न्यौपानेले सानासाना बालबालिकामा यस्तो उच्च भावनाको बिकास हुनु निक्कै खुसीको कुरा भएको बताउनुभयो ।
विद्यार्थीले गरेको यस सम्मानले नर्सहरुमा अझै धेरै काम गर्ने हौसलाको बिकास होस् भन्दै शुभकामना व्यक्त गर्नुभयो ।
कार्यक्रममा अस्पतालमा कार्यरत डाक्टरहरुले र्नसिङ दिवसको शुभकामना दिनुभयकोे थियो । कार्यक्रममा स्वागत मन्तव्य राख्दै नर्स रबिना खनालले विद्यार्थी भाईबहिनीले गरेको सम्मानले काममा अझै जिम्मेवारीका साथ लाग्ने बताउँदै यस सम्मानले झनै धेरै हौसला मिलेको भन्दै खुसी व्यक्त गर्नुभयो ।
अस्पतालका मेडिकल सुपरिटेन्डेण्ट डा । सुनिलराज गौतमको अध्यक्षता रहेको कार्यक्रममा अस्पतालका सुचना अधिकारी छविलाल सुवेदीले सहजीकरण गर्नुभएको थियो ।