घरेलु उद्योग महासंघ मध्यविन्दुको अध्यक्षमा काफ्ले

गंगा बिश्वकर्मा 
चोरमारा । घरेलु तथा साना उद्योग महासंघ   मध्यविन्दु नगरपालिकाको अध्यक्षमा देबलाल काफ्ले चयन हुनुभएको छ । आज बसेको घरेलु तथा साना उद्योग महासंघ नवलपुरका अध्यक्ष भरत शर्मा पोख्रेलको अध्यक्षता तथा मध्यविन्दु नगरपालिका प्रमुख चन्द्र वहादुर रानाको प्रमुख आतिथ्यतामा बसेको भेलाले काफ्लेको अध्यक्षतामा १३ सदस्यीय कार्य समिति चयन गरेको छ ।

जसको उपाध्यक्षमा ध्रुव तिवारी र बिन्दु काफ्ले, महासचिबमा बिशाल थापा, सचिबमा प्रज्ञा मल्ल कोषाध्यक्षमा सतिस राइ चयन हुनुभएको छ । त्यस्तै सदस्यहरुमा प्रदीप सुवेदी, बसन्त पंगेनी, जिवलाल पाठक, राजेन्द्र पाण्डे, र गोपाल भुर्तेल चयन हुनुभएको हो । त्यस्तै अन्य २ सदस्यीय नबनिर्वाचित समितिहरुले मनोनयन गर्ने छन् ।
आज भएको भेलालाई सम्बोधन गर्नुहुदै भेलाका अध्यक्ष एबं घरेलु तथा साना उद्योग महासंघ नवलपुरका अध्यक्ष भरत शर्मा पोख्रेलले राज्यको राजस्वमा भुमिका खेलेका साना घरेलु उद्यमीहरुलाई सरकारले उपेक्षामा राखेको भन्दै अब यस समितिले मुलधारमा ल्याउन सहयोग गर्ने बताउनुभएको थियो । नगरपालिकामा भएका सम्भाबित साना उद्योगी व्यबसायीहरुलाई खोजी गरि उद्योगी बन्नका लागि प्रेरित गर्ने बताउनुभएको थियो । नवनिर्वाचित समितिले व्यबसायमा संलग्न रहेका सबैलाई आधार हुने गरि कार्यक्रमहरु ल्याउनका लागि सुझाब दिनुभयो ।

त्यस्तै कार्यक्रममा रहनुभएका मध्यविन्दु नगरपालिकाका प्रमुख चन्द्र वहादुर रानाले नगरपालिकाको मुख्य बजार चोरमारा, आरुङखोला र कोल्हुवाका व्यवासायीहरुलाई व्यबसाय प्रति प्रेरित गर्ने कार्यक्रमको खाका तयार पारिएको बताउनुभयो । व्यबसायीहरुलाई मुल प्रवाहमा ल्याउनका लागि बिशेष योजना निर्माण गरिएको उहाले बताउनुभयो ।
कार्यक्रममा बोल्दै मध्यविन्दु नगरपालिकाका प्रमुख प्रशाशकिय अधिकृत नारायण प्रसाद साप्कोटाले उद्योगी र राज्यको सयुक्त पहलमा अगाडी बढ्नुपर्ने बताउनुभयो । उद्योगीहरुले उत्पादन गरेका सामानहरु प्रतिस्प्रधा गर्ने खालको हुनुपर्नेमा साप्कोटाले जोड दिनुभयो ।
सो अबसरमा नबनिर्वाचित कार्यसमिति सदस्यहरुलाई नगरपालिकाका प्रमुख चन्द्र वहादुर रानाले अबिर लगाइदिएर बधाइ दिनुभएको थियो । कार्यक्रममा स्थानिय व्यबसायीहरुको सहभािगता रहेको थियो ।