दाउन्ने सडक मर्मतमा हेलचेक्र्याइँ, तीन सातामै भत्कियो

डिभिजन प्रमुख मेघराज मरासिनीले ठेकेदारमार्फत गराएको भए ७०/७५ लाख लाग्ने काम आफैं तत्काल गर्दा ४५ लाखमै सकिएकाले वर्षौसम्म टिक्ने बनाउन नसकेको बताए । ‘४५ लाखले दसैंतिहारको बेला हिँड्न मिल्ने बनेको थियो,’ उनले भने । दाउन्ने खण्डमा पर्ने १४ किलोमिटर पहाडी सडकको आधाभन्दा बढी भाग भत्किएर धूलोले दिउँसै बत्ती बाल्नुपर्ने अवस्थाको थियो । मर्मतलगत्तै राम्रो देखिए पनि अहिले फेरि उस्तै भएको छ । अत्यधिक सवारी चाप रहने सडकमा खाल्डैखाल्डा भएका छन् । धुलाम्य भएको छ ।