नवलपुरमा पत्रकार सम्मेलन गदै ३ दिन सम्म सार्वजनिक बिदा दिन माग

कावासोती । गुरुङ राष्ट्रिय परिषद (तमु ह्युल छोँज धीँ) कावासोती नगर समितिले तमु ल्होसारको सार्बजनिक बिदा पुनस्र्थापित गर्न माग गरेको छ । शुक्रबार कावासोतीमा पत्रकार सम्मेलन गदै सरकार सँग यस्तो माग गरेका हुन् । एक प्रेस बिज्ञप्ति जारी गर्दै नेपालको लोकतान्त्रिक आन्दोलनमा गुरुङ समुदायको अमुल्य योगदान रहेको तर यस अघि तमु ल्होसारको अवसरमा दिइएको सार्बजनिक बिदा पनि सरकारले कटौती गरेकोले बिदा पुनः स्थापना गर्न माग गरिएको प्रेस बिज्ञप्तिमा उल्लेख छ । “नेपाल सबै समुदायको साझा फुलबारी हो भन्ने उक्ति केही हदसम्म भएपनि साकार पार्ने प्रयत्न गर्दै हरेक बर्ष तमु ल्होसारको बिदा दिइएको भएता पनि यस बर्ष बर्तमान सरकारले बिदा खारेजी गरेको प्रति हामी आन्दोलित छौँ । ” बिज्ञप्तिमा भनिएको छ । नेपाल सरकारले सबै समुदायलाई समान ब्यबहार नगरेको बिज्ञप्तिमा उल्लेख गरिएको छ । तमु ह्युल छोँज धीँ नवलपुरले ल्होसार पर्बको बेला बिद्यालयहरु सुचारु हुँदा तमु बालबालिकाले राम्रोसँग ल्होसार मनाउन नपाउने भएकोले कम्तीमा तीन दिन पौष १४ ,१५ र १६ गतेका दिन बिद्यालय बन्द गर्न पनि आह्वान गरेको छ ।
तमु ल्होसारको सार्बजनिक बिदा यथावत कायम गर्न नेपाल सरकारसँग जोडदार माग गर्दछौँ , छोँज धीँ कावासोती नगर समितिका अध्यक्ष बिष्णु बहादुर गुरुङद्वारा हस्ताक्षरित बिज्ञप्तिमा उल्लेख गरिएको छ । तमु ह्युल छोँज धीँ गुरुङ राष्ट्रिय परिषद कावासोती नगर समितिका अध्यक्ष बिष्णु गुरुङको अध्यक्षता रहेको कार्यक्रममा , केन्द्रिय सदस्य तौ बहादुर गुरुङ, पुर्ब जिल्ला अध्यक्ष बुद्धि बहादुर गुरुङ, पुर्ब जिल्ला सदस्य जगतकाजी गुरुङ , तमुस्योँ ह्युल छोँज धीँ का गँगालक्ष्मी गुरुङ, खगीसरा गुरुङ, पार्बती गुरुङ लगायतको बिशेष आतिथ्यता रहेको थियो ।