नमुना पोष्टप्रकाशित मिति: २०७५ पौष २४, मंगलबार (४ साल अघि)
कावासाती । सामुदायिक वन उपभोक्ता महासंघ नेपाल (फेकोफन)को आयोजनामा हरियो वन कार्यक्रम अन्र्तगत दिगो वन व्यवस्थापन, जैविक विविधता तथा जलवायु समानुकुलन सम्बन्धी तालिम मंगलबार देखि कावासोतीमा शुरु भएको छ ।
फेकोफन नवलपुरको व्यवस्थापनमा शुरु भएको तालिम चार दिन सम्म सञ्चालन हुनेछ । हरियो वन कार्यक्रम अन्र्तगत फेकोफनले नमुना सामुदायिक वन कार्यक्रम सञ्चालन गरेको नौ जिल्लाका जिल्ला सहजकर्ता, नमुना सामुदायिक वनका अध्यक्ष र नमुना सामुदायिक वनका सहजकर्ताको तालिममा सहभागिता रहेको फेकोफन नवलपुरका कार्यालय सचिव खेमनारायण महतोले बताए ।
चार दिन सम्म सञ्चालन हुने तालिममा दिगो वन व्यवस्थापन, जैविक विविधताको संरक्षण तथा जलवायु समानुकुलन सम्बन्धी बिषयमा शत्र सञ्चालन हुनेछ । यो क्रममा प्रत्येक नमुना सामुदायिक वनको आगामी कार्ययोजना समेत निर्माण गरिने फेकोफन हरियो वन कार्यक्रमका टिम लिडर शुभाष देवकोटाले बताए ।
चार दिन सम्म सञ्चालन हुने तालिमको मंगलबार एक कार्यक्रमका बिच उद्घाटन गरिएको थियो । उद्घाटन कार्यक्रममा नवलपुरमा नमुना सामुदायिक वन कार्यक्रम सञ्चालन हुने हुप्सेकोट गाँउपालिकाका अध्यक्ष लक्ष्मी पाण्डेको प्रमुख आतिथ्यता रहेको थियो । उद्घाटन कार्यक्रममा बोल्दै प्रमुख अतिथि पाण्डेले सामुदायिक वनले स्थानीय स्तरको विकास निर्माण लगायतको क्षेत्रमा पु¥याएको योगदानको प्रसंशा गर्दै गाँउपालिका भित्रको नमुना सामुदायिक वन्ने क्रममा रहेको सामुदायिक वनलाई आप्mनो तर्फबाट सक्दो सहयोग गर्ने प्रतिबद्धता जनाईन् । कार्यक्रममा हुप्सेकोट वडा नम्बर ४ का वडा अध्यक्ष रोशन बहादुर थापा, सव डिभिजन कार्यालय हुप्सेकोट–बौदीकाली गाँउपालिकाका सहायक वन अधिकृत चमेली देवकोटा लगायतले शुभकामना मन्तव्य व्यक्त गरेका थिए ।
नमुना सन्देश साप्ताहिक द्वारा संचालित
नमुना पोष्टडट कम का लागि
कावासोती - २ नवलपुर
9867130145
[email protected]
[email protected]
