नवलपरासीमा पुनर्निर्माणको काम स्थानीय तहबाट, समझदारी पत्रमा हस्ताक्षर

दयाराम आचार्य

कावासोती ।नवलपरासीमा भुकम्प पुनर्निमाकणको काम स्थानीय तहबाटनै गर्ने गरि राष्ट्रिय पुनर्निमाण प्राधिकरण, जिल्ला आयोजना कार्यान्वयन ईकाइ र स्थानीय तह बिच समझदारी पत्रमा हस्ताक्षर भएको छ । समझदारी पत्रमा हस्ताक्षर भए संगै पुनर्निमाणको काम अब स्थानीय तहबाटनै हुने भएको हो ।

पुनर्निमाणका लागि प्राधिकरणले नगरपालिका ,गाउ“पालिकामा आवश्यकता अनुसार इन्जिनियर ,सब –इन्जिनिययर र डकर्मी खटाउनेछ । प्राधिकरणबाट खटिएका सबै जनशक्तिलाई पुनर्निमाणको काममा खटाउने,हाजिरी राख्ने लगाएतको जिम्मेवारी स्थानीय तहको हुने जिल्ला आयोजना कार्यान्वयन ईकाइका निमित्त प्रमुख राजेन्द्र कार्कीले जानकारी दिनुभयो । दुई जिन सम्म कावासोतीमा चलेको पुनर्निण सम्बन्धि अभिमुखिकरण तथा समिक्षा गोष्ठीमा जिल्लामा पुनर्निमाणको काम स्थानीय तहबाट गर्ने गरि सम्झौता भएको हो ।

सम्झौता अनुसार स्थानीय तहमा पुनर्निमाणमा खटिएका कर्मचारीको तलब ,भत्ता, स्थानीय तहका सम्बन्धि व्यक्तीले हाजिरी प्रमाणित गरेको आधारमा जिल्ला स्थित पुनर्निमाणको कार्यालयले उपलब्ध गराउने छ ।

भुकम्पबाट क्षती पुगेका संरचनाको पुनर्निमाणमा खटिएका कर्मचारीलाई स्थानीय तहलेनै काममा लगाउने छन् ।

प्राधिकरणबाट खटिएका जनशक्तिहरुलाई आवश्यक कार्यस्थल र फर्निचर सम्बन्धित स्थानीय तहले व्यवस्थ ागर्नेछन् । प्राधिकरणले मसलन्द खर्चका लागि आवश्यक पर्ने बजेट शर्तसहित एकमुष्ट सम्बन्धित स्थानीय तहलाई प्रदान गर्नेछ ।

पुनर्निमाणमा खटिएका कर्मचारीहरुलाई उच्चतम पदीय मर्यादा बमोजिमको कर्तव्य पालनका लागि आवश्यक वातावरणको सृजना स्थानीय तहले गरिदिनुपर्ने निमित्त प्रमुख कार्कीले जानकारी दिनुभयो ।

स्थानीय स्तरबाट कार्यान्वयन हुने आयोजनाहरु गुम्बा,एकीकृत बस्ती,स्थानीय पूर्वाधारका आयोजनाका लागि तोकिए बमोजिमको बजेट प्राधिकरणले स्थानीय तहमा उपलब्ध गराउने व्यवस्था मिलाउने उहा“ले बताउनुभयो ।

निमित्त प्रमुख कार्कीका अनुसार स्थानीय तहले लाभग्राहीस“ग अनुदान सम्झौता भएपछि , निरिक्षण पश्चात सम्बन्धित प्राविधिकहरुबाट अभिलेखीकरण गर्ने ,गराउने र सोही आधारमा निरीक्षण सिफारिश समेत गर्ने छ । यस्तै स्थानीय तहले निजी आवासको पुनर्निमाण,प्रवलीकरण कार्य सम्पन्न भए पछि निर्माण कार्य सम्पन्न प्रमाण पत्र उपलब्ध गराउने व्यवस्था समेत मिलाउने छ ।

निजी आवास पुनर्निमाण सम्बन्धी तथ्याङ्कहरु ,अभिलेख,दस्तावेज प्राधिकरणबाट क्रमश स्थानीयतहहरुमा हस्तान्तरण गरिने छ । ससका लागि प्राधिकरणले आवश्यक सहयोग गर्ने निमित्त प्रमुख कार्कीले जानकारी दिनुभयो ।

प्रतिनीधि सभा सदस्य तिलक महतले सम्झौता पत्र स्थानीय तहका प्रमुखलाई प्रदान गर्नुभएको थियो । सोही क्रममा प्राधिकरण र नवलपरासीका स्थानीय तहबिच भएको सम्झौता पत्रअनुसार जिल्लाको पुनर्निमाणको काम छिटो सम्पन्न हुने विश्वास आफुले लिएको प्रतिनीधि सभा सदस्य तिलक महतले बताउनुभयो ।

जिल्ला आयोजना कार्यान्वय ईकाइका अनुसार नवलपरासी पूर्वमा आठ सय ५२ लाभग्राही रहेका छन् । जस मध्य आठ सय एकाउन्न संग सम्झौता भएको छ । यस मध्य सबैजनाले पहिलो किस्ताको अनुदान बुझिसकेका छन् । छ सय ५९ ले दोश्रो किस्ता र २ सय पचास जनाले तेश्रो किस्ता समेत बुझिसकेकाछन् । लाभग्राहीको सूचिमा आफ्नो नाम छुटेको भन्दै गुनासो दर्ता गर्नेको संख्या १२ सय चौध रहेको कार्यलयले जनाएको छ । निमित्त प्रमुख कार्कीका अनुसार चैत्र मसान्त सम्ममानै जिल्लामा निजी आवास पुनर्निमार्णको काम सम्पन्न गर्ने गरि कार्ययोजना बनाईएको छ ।