दलदलेको परोपकार साकोसको सेवा अब नयाँ ठाँउबाट

आदर्श सुशिल
दलदले । नवलपुरको देवचुली १३ मा अवस्थित परोपकार बचत तथा ऋण सहकारी संस्था लिमिटेडको नवनिर्मित भवन बिहिबार समुद्घाटन गरिएको छ । कार्यक्रम संस्थाका अध्यक्ष देवराज पौडेलको अध्यक्षता एवं नेफ्स्कुनका बरिस्ठ उपाध्यक्ष परितोष पौडेलको प्रमुख आतित्यथामा सम्पन्न भएको हो ।
भवनको उद्घाटन प्रमुख अतिथि पौडेलले गर्नु भएको हो । उद्घाटन पछि शुभकामना मन्तब्य राख्नुहुँदै पौडेलले परोपकार साकोसले छोटो समय मै आफ्नै भवनबाट सेवा सुचारु गरेकोमा खुसि व्यक्त गर्नु भयो । साथै परोपकारको वित्तीय कारोबार निकै राम्रो भएकाले अब झनै बढी शेयर सदस्यमुखी भएर उनीहरुको जीवन उकास्ने तर्फ लाग्नुपर्ने बताउनुभयो । कार्यक्रममा जिल्ला बचत तथा सहकारी संघ लिमिटेड नवलपरासीका अध्यक्ष माधव पराजुली,नेफ्स्कुनका निबर्तमान सन्चालक समिति सदस्य नवराज सापकोटा,वर्तमान सन्चालक समिति सदस्य एवं चितवन फिल्ड कार्यालय संयोजक शान्ति श्रेष्ठ लगायतले परोपकार साकोसलाई सफलताको शुभकामना व्यक्त गर्दै आफ्ना मन्तब्य राख्नुभएको थियो ।
गत वर्ष पौष २६ गते नै अर्थमन्त्री युवराज खतिवडाले भवन शिलान्यस गरेका थिए । एक बर्षको समयावधि भित्र नयाँ भवनबाट कार्य सुचारु गर्ने गरि सम्पुर्ण काम सकि भवन उद्घाटन गरिएको हो । गण्डकी प्रदेशको सर्बोत्कृष्ट साकोसको रुपमा आफुलाइ उभ्याउन सफल परोपकार साकोसले आफ्नो १२औं स्थापना दिवसको अवसर पारेर नयाँ भवनबाट कार्य सुचारु गर्न लागेको संस्थाका प्रमुख कार्यकारी अधिकृत जीवलाल तिवारीले बताए । कार्यक्रमको समापन गर्दै संस्थाका अध्यक्ष देवराज पौडेलले परोपकार साकोसलाई यहाँसम्म ल्याउन सहयोग गर्नुहुने सम्पूर्ण शेयर सदस्यलाई धन्यबाद दिंदै भोलीका दिनमा अझै सेवाग्राहीमुखी हुने बताउनुभयो ।