पर्यटकीय क्षेत्रको विकास गर्दै हुप्सेकोट गाउंपालिका

दयाराम आचार्य
कावासोती । नवलपरासी पूर्व नवलपुरको धौवादीमा रहेको रुद्रपुर गढी सहिय यस क्षेत्रमा रहेको पर्यटकीय स्थानको संरक्षण र विकासमा यहाको स्थानिय तहले चासो देखाएको छ । सेनकालिन इतिहाससंग जोडिएको रुद्रपुर गढी सहित हुरहुरेमा रहेको गोलपोखरी शान्तिपार्कको विकासका लागि योजना अगाडी बढाईएको छ ।
संरक्षणको अभावमा अलपत्र अवस्थामा रहेको रुद्रपुर गढीमा पदमार्ग विस्तारको काम थालनी गरिएको छ । रुद्रपुर डाडामा रहेको रुद्रपुर गढीसम्म पुग्नका लागि हुप्सेकोट गाउपालिकाले रु १५ लाख विनियोजन गरि डेढ किलोमिटर लामो पदमार्ग गर्न लागेको हो ।धौलावसेनीबाट रुद्रपुर गढीसम्म पुग्नका लागि सहज पदमार्ग नभएका कारण यसक्षेत्र ऐतिहासीक स्थल भएरपनी ओझेलमा परेको भन्दै यसको विकासका लागि पहिलो चरणमा पदमार्ग निर्माणको काम अगाडी बढाएको हुप्सेकोट गाउपालिका प्रमुख प्रशासकिय अधिकृत हरि पंगेनीले जानकारी दिए । उनका अनुसार यस क्षेत्रमा सहज रुपमा पर्यटक पुग्न सक्ने गरि पदमार्ग विस्तारको काम थालिएको हो ।
‘ऐतिहासीक स्थल भए पनि अहिले बाटोकोनै समस्या छ ,जसले गर्दा पर्यटक यहा“ सम्म पुग्न सकेका छनैन्’ प्रमुख प्रशासकिय अधिकृत पंगेनीले भने –पदमार्ग विस्तार संगै सहज रुपमा पर्यटक पुग्न सक्नेछन् । यसले यो क्षेत्रलाई जिल्लाकै नया पर्यटकिय गन्तब्य वन्न सहयोग पुग्नेछ । पदमार्ग निर्माण संगै रु २ लाख वजेट विनियोजन गरि यसक्षेत्रमा वृक्षारोपण गरिने उनको भनाई रहेको छ । रुद्रपुर गढीमा सेनकालीन राजाको दरबारको भग्नावशेष,दरबारको सुरक्षाका लागि वरिपरीबाट खनिएको खाल्डो , सेनाहरुले परेड खेल्ने टुडीखेल ,सुरुङहरु रहेका छन् । ऐतिहासिक महत्वको क्षेत्र भएकाले यसको विकास संगै प्रर्वद्धन गर्न सके आन्तरीक तथा बाह्य पर्यटक भित्रयाउन सकिने छ । ल्हापेमा रहेको मगर घरबासलाई प्रर्वदन गर्दै रुद्रपुर गढी र हुरहुरे डाडामा रहेको गोलपोखरी शान्तिपार्कलाई समग्रमा पर्यटकीय क्षेत्रका रुपमा विस्तार गर्ने योजना रहेको गाउपालिकाले जनाएको छ ।
गोलपोखरी शान्तिपार्कलाई व्यवस्थित गर्नका लागि रु. १० लाख विनियोजन गरिएको छ । पार्कमा अहिले बुद्धको मुर्ती सहितका संरचनाहरु रहेका छन् । थप संरचनाहरु निर्माणको योजना गरिएको छ । पार्कमा घोरलको मुर्ती समेत निर्माण गरिने छ । यस क्षेत्रमा घोरल पाईने भएकाले यसको बारेमा जानकारी दिन र संरक्षणमा यहाका बासिन्दालाई उत्पे्ररीत गर्नका लागि घोरलको मुर्ती निर्माण गर्न लागिएको प्रमुख प्रशासकिय अधिकृत पंगेनीले बताए । यसको साथै पार्कमा मगर संग्रालय समेत निर्माण गरिने छ । यसकालागि गाउपालिकाले रु. २ लाख ५० हजार विनियोजन गरेको गाउपालिकाले जनाएको छ । मगर समुदायको बाहुल्यता रहेको कारण मगर संग्रालय निर्माण गरि मगर समुदायका बिभिन्न सामाग्रिहरु संग्रालयमा राखिने छ ।
पहाडी क्षेत्र अन्र्तगत पर्ने हुप्सेकोट,बौदीकाली र बुलिङटार गाउपालिका सबैको बिच भाग पर्ने भएकाले यस क्षेत्रमा एकिकृत पर्यटन विकासका कार्य अगाडी बढाउने बिषयमा तीनै वटा गाउपालिका बिच छलफल चलिरहेको प्रमुख प्रशासकिय अधिकृत पंगेनीले बताए । तीनै स्थानिय तहले यहा रहेका पर्यटकीय स्थललाई विकासका लागि वजेट विनियोजन गरि सयुक्त रुपमा कार्यगर्नेबारेमा छलफल अगाडी बढाईएको उनको भनाई रहेको छ । यसले नवलपुरको पहाडी क्षेत्रको पर्यटनको माध्यमबाट विकासमा टेवा पुग्ने अपेक्षा लिएको छ । पर्यटकीय क्षेत्रका रुपमा विकास र पर्वद्धन गर्न सके यस क्षेत्रका बासिन्दाको आर्थिक अवस्था सुधारमा समेत सहयोग पुग्ने विश्वास लिएको छ । रुद्रपुर गढी सहितको यस क्षेत्रमा पर्यटकीय क्षेत्रका रुपमा विकास गर्नकालागि पर्यटन बोर्ड संग अनुरोध गरिएको उनले बताए ।