गृहमन्त्री थापाले भने निर्मलाको हत्यारा अब छिट्टै पत्ता लाग्छ

कैलाली । सुदूरपश्चिम प्रदेशको गृह मन्त्रालयको आयोजनामा मंगलबारदेखि धनगढीमा दुई दिने सुरक्षा सम्बन्धी गोष्ठी भएको छ। त्यसै गोष्ठीमा सहभागी हुन गृहमन्त्री रामबहादुर थापा बादल पनि सहभागी हुनुभएको छ।
सुरक्षा सम्बन्धी गोष्ठी कार्यक्रममा बोल्दै मन्त्री थापाले कञ्चनपुरकी १३ वर्षीया किशोरी निर्मला पन्तको हत्यारा पत्ता लगाएरै छोड्नेमा जोड दिनुभएको छ। सुरुमा केही निकायमा लापरबाही हुँदा अनुसन्धानमा जटिलता पैदा भएको बताउँदै उनले अनुसन्धान जारी रहेको र छिट्टो नै अपराधीहरूलाई कानुनको कठघरामा ल्याउने बताउनुभयो । उहाँले कार्यक्रममा बोल्दै भन्रु भयो, “सुरुमा केही निकायले लापरबाही गर्दा ढिला भएको हो अब हामी सकेसम्म छिट्टै हत्यारालाई पक्राउ गर्छाै ।”कञ्चनपुरकी १३ वर्षीया किशोरी निर्मला पन्तको गत साउन १० गते बलात्कार पछि हत्या गरिएको थियो। त्यस्तै मन्त्री थापाले विप्लवको गतिविधिप्रति सरकार गम्भीर रहेको बताउँदै उनले विप्लप नेतृत्वको नेपाल कम्युनिस्ट पार्टीलाई लक्षित पछिल्लो समय बिष्फोटन र ध्वंसात्मक गतिविधिका घटना भइरहेको र यसबारे सरकार सचेत रहेको पुष्टि गर्नुभएको छ। उहाँले दोषिलाई नियन्त्रणमा ल्याउने काम जारी रहेको बताउनु भएको छ ।
गोष्ठीको दोस्रो दिन अर्थात आज (बुधबारको)छलफलमा गृहमन्त्री रामबहादुर थापा बादल, गृह सचिव प्रेमकुमार राई लगायतको सहभागीतामा सुरक्षा अवस्थाबारे विश्लेषण एवं सुरक्षा अवस्था सुदृढ बनाउन गृहमन्त्री थापाले निर्देशन दिनुभएको छ । सुरक्षा गोष्ठीको पहिलो दिन नौ वटै जिल्लाका प्रमुख जिल्ला अधिकारी, तीन वटै सुरक्षा निकायका प्रमखहरु बीच छलफल भएको थियो ।पहिलो दिनको छलफलमा नेपाल प्रहरीका प्रमुख सर्वेन्द्र खनाल, शसस्त्र प्रहरीका प्रमुख शैलेन्द्र खनाल र राष्ट्रिय अनुसन्धानका प्रमुखको उपस्थिती रहेको थियो ।