काठमाडौबाट दाङ हिडेको बस डण्डामा दुर्घटना , एक जनाको घटनास्थल मै मृत्यु

कावासोती । पूर्बि नवलपरासीको कावासोती १६ डण्डामा दुर्घटना हुदा एक जनाको घटनास्थलमा नै मृत्यु भएको छ । शुक्रबार राती ११ः३० बजेको समयमा काठमाडौबाट दाङ्ग हिडेको ना ५ ख २८१० नम्बरको बसले बिपरीत दिशाबाट आउदै गरेको ना ३६ प ३६०० नम्बरको मोटरसाईकललाई ठक्कर दिदा उक्त्त दुर्घटना भएको हो ।
दुर्घटनामा परी मोटरसाईकलमा सवार बिनयी त्रिबेणी ३ बस्ने बर्ष ३१ शेरबहादुर झेडी मगर को दुर्घटना स्थलमा नै मृत्यु भएको नवलपुर प्रहरीले जनाएको छ । त्यस्तै सोही मोटरसाइकलमा सवार बुङदीकाली घर भई हाल कावासोती ८ बस्ने वर्ष २० का अमृत बास्ताकोटी गम्भिर घाइते भएका छन । घाइते बास्ताकोटीको पुरानो मेडिकल कलेज भरतपुरमा उपचार भइरहेको प्रहरीले जनाएको छ । बस र चालक प्रहरीको नियन्त्रणमा रहेका छन् ।