सहकारी दिवसमा कावासोती नगरपालिकामा के हुदैछ ? हेर्नुहोस ११ फोटोमा

बिजय चालिसे

कावासोती । ६२ औँ सहकारी दिवस आज नवलपुर सहित देश भरी नै मनाईदैछ । ‘दिगो विकास लक्ष्य प्राप्तिको लागि सहकारी’ भन्ने मुल नारा सहित आज राष्ट्रिय सहकारी दिवस देशैभर विविध कार्यक्रम गरि मनाईदैछ ।
दिवसका अवसरमा नवलपुरमा पनि विभिन्न कार्यक्रमको आयोजना गरिएको छ । जिल्लाको सदरमुकाममा कावासोती नगरपालिकाको आयोजनामा बिबिध कार्यक्रमको आयोजना गरि ६२ औं सहकारी दिवस मनाईरहेकोे छ । नगरपालिका प्राङ्गणमा जारी कार्यक्रम अन्तर्गत गण्डकी प्रदेश स्तरिय वक्तृत्वकला प्रतियोगिता, नगर स्तरिय अन्तर सहकारी हाजिरी जवाफ प्रतियोगिता, नगर स्तरिय उत्कृष्ट सहकारी सम्मान एवं प्रोत्साहन, सहकारी कर्मचारी समाज नवलपुरका सस्थापक सम्मान लगायतका कार्यक्रम गर्दै छ। नगर प्रमुख चन्द्रा कुमारी पुनको अध्यक्षतामा जारी कार्यक्रमको प्रमुख अतिथि प्रतिनिधि सभा सदस्य एवं नेकपाका केन्द्रिय सदस्य तिलक महत रहनुभएको छ । कार्यक्रममा नगरपालिकाका प्रमुख प्रशासकिय अधिकृत रोशन ज्ञावलि, विभिन्न वडाका वडा अध्यक्ष लगायतको सहभागिता रहेको छ ।