कावासोती १५ का वडा सदस्यको हृदयघातका कारण निधन

कावासोती ।कावासोती नगरपालिका वडा नम्बर १५ का वडा सदस्य ६२ वर्षीय सुर्य बहादुर थारुको निधन भएको छ । थारुको बिहिबार हृदयघातका कारण निधन भएको हो ।
उन िगुन्द्रही ढकाहा मध्यवर्ती सामुदायिक वनको सचिव समेत थिए । यस्तै खिमनाथ प्रावि वरौलीको विद्यालय व्यवस्थापन समितिको दुई कार्यकाल अध्यक्ष समेत वनेका सुर्य बहादुर तत्कालिन गाविस हुदा गाविस सचिवको रुपमा समेत कार्य गरेका थिए । बिभिन्न संघ सस्थामा समेत रहेर सामाजिक कार्यमा लागेका थारुको निधनले वडा नम्बर १५ सहित सिंगो नगरपालिकाले एक सामाजिक व्यतित्वलाई गुमाएको वडा अध्यक्ष देव नारायण महतोले बताए ।
थारुको पार्थिव शरिरमा नेकपाका केन्द्रिय सदस्य एवं प्रतिनिधि सभा सदस्य तिलक महतले पार्टीको झण्डा ओढाउदै सिंगो पार्टीले एक लगनशिल सामाजिक व्यक्तित्वलाई गुमाउदा पार्टीलाई अपुरणीय क्षती पुगेको बताए । थारुको पार्थिव शरिरको हिजै अन्त्यष्टी गरिएको छ । अन्त्यष्टी पूर्व आयोजित श्रदाञ्जली कार्यक्रममा नगर प्रमुख चन्द्र कुमारी पुन, उप प्रमुख प्रेमशंकर मर्दनिय थारु लगाएत नगरपालिकाका वडा अध्यक्षहरु ,अन्य जनप्रतिनिधिहरुले शोक व्यक्त गरेका थिए ।