कावासोतीमा बालमैत्री स्थानीय शाशन सम्बन्धि प्रशिक्षण

ज्ञानु पंगेनी
कावासोती । कावासोती नगरपालिकालाई २०७७ सालभित्र बालमैत्री नगरपालिका घोषणा गर्ने लक्ष्य अनुसार सारोकारवालाहरुलाई बालमैत्री स्थानीय शाशन सम्बन्धि प्रशिक्षण प्रदान गरिएको छ ।
बालमैत्री स्थानीय शाशन सम्बन्धि यहा रहेका बाल क्लब , विद्यालय , बालअधिकारकर्मी , जनप्रतिनिधीहरुलाई प्रशक्षिण गरिएको हो । बालमैत्री स्थानीय शाशन लागु गर्न कावासोती नगरपालिकाले बालबालिकाहरुको बर्तमान अवस्था के छ भन्ने बारेको स्थितीपत्र तयार गर्ने , बालबालिकाको लागि लगानी योजना तयार गर्ने , बालबालिकाको सुचक प्राप्तिमा सहयोग गर्ने योजना तयार गर्ने र सरोकारवालाहरुलाई अभियानमा लाग्न सचेतनाका कार्यक्रमहरु तदारुकताका साथ अगाडी बढाउने निष्कर्ष कार्यक्रमबाट निस्केको छ । विषेश गरेर बालमैत्री स्थानीय शाशन लागु गर्न पुरा गर्नुपर्ने ३९ वटा सुचक र नगरपालिकाबाट थप भएको सुचकलाई लक्ष्यसम्म पुर्याउन नगरपालिकाले धेरै काम गर्नुपर्ने देखिएको छ । जसका लागि सम्बन्धित सबैसंग समन्वय गरेर अगाडी बढ्ने कावासोती नगरपालिकाका प्रमुख प्रशाशकिय अधिकृत रोशन ज्ञवालीले बताए ।
कार्यक्रमको मुख्य उदेश्य स्थानीय तहलाई बालमैत्री स्थानीय शाशन घोषणाका लागि आवश्यक पर्ने पूर्वाधार तयार गर्ने रहेको जाईकाका वरिष्ठ फिल्ड संयोजक ऋषीराम पाण्डले जानकारी दिए । कार्यक्रम कावासोती नगरपालिका र जापान अन्तराष्ट्रिय सहयोग नियोग (जाईका ) को आयोजना तथा नगर विकास प्रशिक्षण केन्द्र पोखराको समन्वयमा भएको थियो ।
कार्यक्रममा जाईकाका वरिष्ठ फिल्ड संयोजक ऋषीराम पाण्डे , नगर विकास प्रशिक्षण केन्द्र पोखराका प्रमुख हरिकृष्ण कोईराला र प्रशिक्षण अधिकृत बुद्धि प्रसा घिमिरेले सहजीकरण गरेका थिए । कार्यक्रममा ५५ जनाको सहभागिता रहेको थियो । बैशाख १२ गतेबाट सुरु भएको कार्यक्रम शनिवार (आज )सकिएको हो ।