#RIP>>कैलालीको सामुदायिक वनमा संगै युवायुवतीको शव फेला

कैलाली। कैलालीको एक सामुदायिक वनमा एकै स्थानमा युवायुवतीको शव फोला परेको छ। घोडाघोडी नगरपालिका–३ मा रहेको कालिका सामुदायिक वनमा युवायुवतीको शव फेला परेको हो । ति दुवै घोडाघोडी नगरपालिकाका स्थानिय भएको प्रहरीले जनाएको छ । शव घोडाघोडी नगरपालिका–३ का २३ वर्षका शिवराज चौधरी र जोशीपुर गाउँपालिका पिपरकोटीकी २५ वर्षकी निर्मला चौधरीको रहेको प्रहरीको भनाई छ ।

‘घटनास्थलमा विषादिको बोत्तल भेटिएको र दुवैले उक्त विष सेवन गरेर आत्महत्या गरेको हुनसक्ने प्रहरीको प्रारम्भिक अनुसन्धानवाट देखिएको छ । सेवन गरेपछि आत्तिएर छटपटाउँदै अलि पर पुगेको अवस्थामा शव भेटिएको प्रहरीले जनाएको छ । कैलालीका प्रहरी प्रमुख एसपी आभूषण तिमिल्सिनाले शव नियन्त्रणमा लिएर अनुसन्धान अगाडि बढाइरहेको बताए।

शवको प्रकृति हेर्दा केही दिन अगाडि नै आत्महत्या गरेको हुनसक्ने प्रहरीको अनुमान छ। प्रहरीले शवमा किरा परेको र सड्न लागेको अवस्थामा फेला पारेको थियो । उनीहरु श्रीमानश्रीमती नभए पनि सँगै शव भेटिएका कारण घटना रहस्यमय हुनसक्ने प्रहरीले जनाएको छ।

केही दिनअघि एक महिलाले माइती पक्षलाई फोन गरी श्रीमानको कुटाइको पीडा सहन नसकी आत्महत्या गर्दैछु भनी जानकारी गराएकी भन्दै केही व्यक्तिले खोजी गरेका थिए। मृतकमध्येकी महिला तिनै निर्मला हुनसक्ने अनुमान गरिए पनि यकिन नभएको भन्दै यसबारे थप अनुसन्धान भइरहेको प्रहरीले जनाएको छ।