पत्रकार महासंघ नवलपुरको गम्भिर गल्ति, सामाजिक सञ्जालमा व्यापक आलोचना

कावासोती । नेपाल पत्रकार महासंघ नवलपुर शाखा समाजिक सञ्चालमा चर्को आलोचित बनेको छ । विश्व प्रेस स्वतन्त्रता दिवसका अवसरमा शुक्रबार बनाएको व्यानरमा सन् २०१९ लेख्नुपर्नेमा १०१९ लेखिएपछि साामजिक सञ्जालमा त्यसको चर्को विरोध भएको छ । जनतालाई सुसुचित गराउने पत्रकारहरुको साझा संगठन महासंघबाटै भएको कमजोरीलाई सामाजिक सञ्जालमा चर्को व्यङ्ग गरिएको छ । रोटरी कल्ब अफ कावासोतीका अध्यक्ष भरत शर्मा पोखरेलले सामाजिक सञ्जाल फेसबुकमा महासंघले बनाएको व्यानरनै राखेर पत्रकारहरुप्रति व्यङ्ग गर्नुभएको छ । उहाले लेख्नुभएको छ–‘ त्यत्तिकै पत्रकार हुन पाउने भए त म पनि त हुन्थे नि । गर्नु पर्छ यस्तो मेहनत, १००० बर्ष पहिले हराएको ब्यानर खोजेर निकाली छाडेछन साथिहरुले । यो १०१९ नेपाल सम्वत, इस्वि संवत् र बिक्रम संवत् भन्दा अरु केही भए जानकारी पनि पाँउ है हजुर ।’पोखरेलकै स्टाटसमा करिब ३४ वटा प्रतिक्रिया आएका छन् ति मध्ये अधिकाँशले महासंघमाथि नै व्यङ्ग गरेका छन् । नेपाल पत्रकार महासंघ गण्डकी प्रदेशका उपाध्यक्ष नारायण शर्माले पनि त्यता उखुम हुरिबतास चल्नु यता रास्ट्रपतिले मेरो सरकार भन्नु र यो ब्यानरमा तारताम्यता छैन भने सच्याउनु र एक्सक्युज पत्रकारितामा गल्ति सच्याउने तत्परता हुनैपर्छ भनेर लेख्नुभएको छ । त्यस्तै दोस्रो प्रतिक्रियामा शर्माले लेख्नुभएको छ–‘ प्रदेशले त निलम्बन गर्छ यस्तो जे पायो त्यै गर्ने शाखालाई, बेहोस हुने छुट छैन ।’ त्यस्तै, स्थानिय सिद्वार्थ आवासिय मावीका संस्थापक प्रिन्सिपल एंव समाजसेवी भोजराज दाहालले ‘१००० वर्षे प्रेस स्वतन्त्रताको ईतिहाँस ।’ भनेर व्यङ्ग गर्नुभएको छ । त्यस्तै स्थानिय रेडियोमा कार्यरत कपिल बि लामिछानेले लेख्नुभएको छ–‘पत्रकार भन्दा अलपत्रकार सलबलाए पछि गाह्रो छ नि सर । कि यो ब्यानर पनि कपि पेस्ट को भोगी भयो कि भन्ने लाग्यो ।’

सोहि स्टाटसमा पत्रकार महासंघ नवलपुरका सभापति होमराज रानाभाटले गल्ति महशुस गर्नुको सट्टा गैर जिम्मेवार प्रतिक्रिया दिनुभएको छ । सभापति रानाभाटले गण्डकी प्रदेशको लेटर प्याडमा पठाउनुस भनेर गैर जिम्मेवार अभिव्यक्ती दिनुभएको छ । केहिदिन अघि मात्रै साधारण सदस्य नविकरणको विषयमा पनि सभापति रानाभाटले गम्भिर गल्ति गर्नुभएको थियो । उहाँले चैत २७ गते नै २०७६ बैशाख २ गतेको मितिमा सदस्यता नविकरणको लागि भन्दै केन्द्रमा पत्र पठाउनुभएको थियो । १ सय ११ जना सदस्य रहेको महासंघमा उहाँले ७२ जनाको मात्रै सदस्यता नविकरणको लागि पठाएको पत्र बाहिरिएको थियो । सदस्यता नविकरणको लागि मिति हुदाहुदै उहाँले एक्लौटी रुपमा पत्र पठाएपछि जिल्लामा क्रियाशिल पत्रकारहरुले आपत्ति जनाएका थिए ।