आमाको मुख हेर्ने दिन भीरबाट लडेर महिलाकाे मृत्यु

बझाङ, २१ बैशाख । बझाङमा शनिबार भीरबाट लडेर एक महिलाको ज्यान गएको छ । जिल्लाको जयपृथ्वी नगरपालिका वडा नम्बर १ भण्डारकी ३५ वर्षीया हरिनादेवी बोहराको भीरबाट लडेर ज्यान गएको हो ।

उनीसँगै घाँस काट्न गएकी अन्य महिलाहरुले गाउँमा खबर गरेपछि मात्र थाहा भएको परिवार स्रोतले जनाएको छ ।

दिउँसो करीब ३ बजेतिर घर नजिकैको डाँडामा घाँस काट्न गएकी बोहराको भीरबाट लडेर घटनास्थलमै ज्यान गएको हो ।

मृतक बोहराका ४ छोरा र १ छोरी रहेका छन् भने श्रीमान ज्याला मजदुरी गरी जीवीकोपार्जन गर्छन् ।