काठमाडौंमा निबेदन कावासोतीमा फेला

कावासोती । २०७५ माघ १ गते महानगरिय ट्राफिक प्रहरी कार्यालय रामशाहपथ काठमांडौमा मोटरसाईकल हराएको निबेदन आयो । सोही अनुसार ट्राफिक प्रहरी र जनपथ प्रहरीले मोटरसाईकलको खोजि सुरु गर्यो । हराएको ३ महिना पछि पूर्बि नवलपरासीको कावासोतीमा प्रहरीले उक्त्त (प्रदेश ३–०२ ÷००२ प ७८३२ )नम्बरको मोटरसाईकल फेला पार्न सफल भयो ।
कावासोती २ मा गत सोमबार प्रहरी टोलिले चेकजाँचको क्रममा लु ४४ प ८९६७ नम्बरको बुलेट मोटरसाईकल चालकले मोटरसाईकल छाडि भागेपछि उक्त्त मोटरसाईकललाई नियन्त्रणमा लिईएको थियो । अनुसन्धान गर्दै जाँदा उक्त्त मोटरसाईकल मिती २०७५।१०।०१ गते काठमांडौ बाट हराएको भनिएको (प्रदेश ३–०२ ÷००२ प ७८३२ )नम्बरको मोटरसाईकल रहेको नवलपुर प्रहरीले जनाएको छ । उक्त्त मोटरसाईकलको नम्बर पेलेट नै परिवर्तन गरी चलाएको प्रहरीले अनुसन्धानमा भेटेको नवलपुर प्रहरीका डिएसपि अर्जुन रानाभाटले बताए । बिहिबार उक्त्त मोटरसाईकल धनि काठमांडौ महानगरपालिका वडा नं. २६ ठमेल बस्ने श्री कृष्ण राज कँडेललाइृ प्रहरीले बुझाएको छ । प्रहरीको अनुसार मोटरसाईकल चोरी गर्ने ब्यक्तीको खोजतलास भईरहेको जनाएको छ ।