हुप्सेकोटमा संचालित साना किसान सबलीकरण परियोजनाको अनुगमन

ज्ञानु पंगेनी
नवलपुर , १४ असार

नवलपुरको हुपसेकोट गाउपालिकामा हिकोडेफ र हेफर ईन्टरनेशनको साझेदारीमा संचालन गरिएको साना किसान सबलीकरण परियोजनाको शुक्रवार स्थलगत अनुगमन गरिएको छ ।
हुुप्सेकोट गाउपालिका अध्यक्ष लक्ष्मी पाण्डे , उपाध्यक्ष स्वतन्त्र कोपिला मल्ल , परियोजना संचालन भएका वडाका वडा अध्यक्ष तथा कार्यपालिका सदस्य , विषयगत शाखाका प्रमुख तथा पत्रकार लगायतको टोलीले हुप्सेकोट गाउपालिकाको गिरुवारी क्षेत्रमा परियोजना अन्तरगत भएका कृषि तथा पशुपालन क्षेत्रको अनुमन गरेको हो ।

परियोजना अन्तरगत हुप्सेकोट गाउपालिकाका महिलाहरुलाई संगठित गरेर सहकारी मार्फत् कृषिका क्षेत्रमा विभिन्न कार्यक्रमहरु भएका छन ।
हुप्सेकोटलाई बाख्रा पकेट क्षेत्रका रुपमा चिनिने भएकाले यहा बाख्रा पालन र बजारीकरणमा सहकारी मार्फत् काम भएका छन ।
अनुगमनपछि लेकबेशी सामाजिक उद्यमी महिला सहकारी संस्थाको कार्यालयमा आयोजना गरिएको परियोजना अनुगमन तथा समन्वय समितिको वैठकमा छलफल समेत गरिएको थियो । छलफल कार्यक्रममा हिकोडेफका कार्यकारी निर्देशक सुरविर स्थापितले परियोजनाका उदेशयका बारेमा स्पष्ट पारेका थिए । किसानलाई जागरुक र क्षमता अभिबृद्धि गर्ने उदेश्यले संचालन गरिएको परियोजनाबाट हुप्सेकोटका धेरै महिलाहरु आत्मनिर्भर हुन सफल भएको बताए । पछिल्लो चरणको कार्यक्रममा संस्थाले सहकारी मार्फत् कृषि उपजको बजारीकरणलाई बढि ध्यान दिएर काम गरिरहेको उनले बताए । उत्पादन गरेका उपजलाई लगानी अनुसारको आम्दानी लिन किसानले पाउनुपर्छ भन्ने मूल लक्ष्य लिएर सहकारी मार्फत् नै हुप्सेकोट र मध्यविन्दुमा खसी बोका , पाठापाठी , तरुल , पिडालु बुलिङ्गटारमा सुन्तला अदुवा लगायतका उपज बिक्री वितरण गर्दै आएको बताए ।

यस्तै वैठकमा परियोजना संयोजक विष्णु कंडेलले परियोजना अन्तरगत एक वर्षमा भएका कामहरु र आगामि कार्ययोजनाका बारेमा जानकारी गराएका थिए । एक वर्षमा किसान , जनप्रतिनिधी , सरोकारवाला लगायतका लागि हेफरमा आधारित आधारशिला तालिम प्रदान गर्नुका साथै गाउपालिकासंगको समन्वयमा विभिन्न स्थानमा नि शूल्क शिविरको आयोजना गरेर पशु पंक्षीमा देखिएका समस्याहरुलाई निदान गर्ने प्रयास गरेको बताए । यस्तै गरेर परियोजनामा सम्बन्धित अगुवाहरुका लागि कृषिका नमुना जिल्लाहरुमा भ्रमण समेत लगिएको बताए ।
कार्यक्रममा लेकबेशी सामाजिक उद्यमी महिला सहकारी संस्थाका ब्यवस्थापक शुसिला परियारले सहकारीले एक वर्षमा सहकारी मार्फत् २ हजार ९ सय २६ वटा खसी बोका बिक्री गरेर २ करोण ६४ लाख ५८ हजार बराबरको कारोवार गरेको र सात लाख रुपैया नाफा भएको जानकारी गराएकी थिईन ।
कार्यक्रम समितिका अध्यक्ष तथा हुप्सेकोट गाउपालिका अध्यक्ष लक्ष्मी पाण्डेको अध्यक्षातमा भएको थियो ।

,