नवलपुुरमा भएका छुट्टा छुट्टै दुर्घटनामा ६ जनाको मृत्यु, २० जना घाइते , पुरा बिवरण आउन बाँकी

नवलपुुरमा छुट्टा छुट्टै तिन स्थानमा भएका सवारी दुर्घटनामा परि ६ जनाको मृत्यु भएको छ । कम्तीमा १५ जना घाइते भएका छन् । घाइतेहुनेको बिवरण बढन सक्ने प्रहरीले जनाएको छ । जिल्लाको कावासोती, अरुणखोला र चोरमारा तीन स्थानमा सवारी दुर्घटना भएका छन् ।

पूर्वी नवलपरासीको कावासोती नगरपालिका –८, पूर्व पश्चिम राजमार्गमा  सोमबार राति सवारी दुर्घटना हुदा ५ जनाको मृत्युु भएको छ । राति सवा १० बजेको समयमा पूर्वी नवलपरासीको कावासोती न.पा. ०८ खरकट्टा जंगल स्थित पुर्व –पश्चिम राजमार्गमा पश्चिमबाट पुर्व तर्फ जाँदै गरेको लु १ ख ८५३२ नं.को ट्रक र विपरित दिशाबाट आउदै गरेको बा २१ च ६४०९ नं. को कार एक आपसमा ठक्कर खान जाँदा कारमा सवार ५ जना पुरुष ब्यक्तीहरु मृत्युु भएको हो । मृतकको नामथर,वतन नखुलेको प्रहरीले जनाएको छ । दुर्घटनामा गम्भीर घाइते उनलाई उद्धार गरी उपचारको लागी जिल्ला सरकारी अस्पताल भरतपुर चितवन तर्फ पठाईएको सबै जनाको मृत्युु भएको जिल्ला प्रहरी कार्यालय नवलपुरका प्रहरी निरीक्षक राजेन्द्रप्रसाद अधिकारीले बताउनु भयो ।

यस्तै नवलपरासीको मध्यविन्दु नगरपालिका –१० ,स्थित जंगलमा राति १ः ४५को समयमा  दाङ्गबाट काठमाण्डौका लागि छुटेको बस आफै अनियन्त्रीत भई पल्टिदा एक जनाको मृत्यु भएको छ । कम्तीमा १५ जना घाइते भएका छन् । ना ७ ख ८६ ४२ नम्बरको बस आफै अनियन्त्रीत भएर पल्टिएको हो । बस पल्टिँदा बसका मकवानपुर घर भएका बसका चालक ३५ वर्षीय लक्ष्मण तिमिल्सिनाको मृत्यु भएको छ । दुर्घटनामा परि घाइते १५ जनाको बिभिन्न अस्पतालमा उपचार भईरहेको छ । प्रहरीका अनुसार चार जनाको नवलपुर अस्पताल, एक जनाको कालिगण्डकी अस्पताल र १० जनाको पुरानो मेडिकल कलेज चितवनमा उपचार भईरहेको छ । घाइतेहुनेमा सल्यान कालीमाटी गा.पा. ४ बस्ने वर्षीय  राम बहादुर भोली ,सलेस्वरी गा.पा. १ बस्ने २३ वर्षीय  रोहित चन्द , सुनसरी ईनरुवा न.पा. १० बस्ने २५ वर्षीय रिजवार आलम, रोल्पा (पश्चिम ) गंगादेब गा.पा. ६ बस्ने ५६ वर्षीय नवल सिह

ओली , नवलपरासी (पूर्ब) बिनयत्रिबेणि गा.पा. १ बस्ने ४१ वर्षीय  नर बहादुर श्रेष्ठ , रुकुम (पूर्ब) भुमे गा.पा. ८ बस्ने ३४ वर्षीय प्रम बहादुर बुद्ध, दाङ तुलसीपुर न.पा. १४ बस्ने बसका सहचालक १९ वर्षीय   सुजन बुढाथोकी , गुल्मी दरबडी गा.पा. ५ बस्ने ४५ वर्षी  जगदीश अर्याल, दाङ्ग तुलसिपुर न.पा. १ बस्ने ३३ वर्षीय  प्रेम भषाल, सल्यान कपुरकोट गा.पा. ४ बस्ने २७ वर्षीय  दिपक पुन , सल्यान  कालिमाटी गा.पा. ४ बस्ने २० वर्षीय  प्रकास के.सी.  ,कालिमाटी गा.पा. ४ बस्ने ३५ वर्षीय लेखराज के.सी. , सल्यान कपुरकोट गा.पा. ३ बस्ने ४२ वर्षीय  दल बहादुर ओली, दाङ्ग तुलसिपुर उ.म. न.पा. ५ बस्ने ४० वर्षीय  दुर्गा परीयार, सोही स्थान बस्ने २४ वर्षीय  कल्पना परियार रहेको प्रहरीले जनाएको छ । बसमा कति जना सवार रहेका थिए भन्ने अझै एकिन हुन सकेको छैन ।

यस्तै आज बिहान ४ ः ४० बजे मध्यविन्दु नगरपालिका –७ , स्थित पूर्व पश्चिम राजमार्गको ४० किलोमा बस अनियन्त्रीत भई पल्टिदा पाँच जना घाईते भएका छन् । सुर्खेतबाट काठमाण्डौका लागि छुटेको ना ४ ख ९५ १० नम्बरको बस आफै अनियन्त्रीत भएर पल्टिँदा पाँच जना घाइते भएका हुन । घाइतेसबैको पूरानो मेडिकल कलेज भरतपुरमा उपचार भईरहेको प्रहरीले जनाएको छ ।  घाइते मध्य दुई जनाको अवस्था चिन्ताजनक रहेको छ । बसमा करिब २५ जना यात्रु सवार रहेका थिए ।  कतिपय घाइते आफै उपचारकालागि गएको हुन सक्नाले घाइतेको संख्या बढन सक्ने प्रहरीले बताएको छ ।