खेलाडीलाई राज्यले पेन्सन र भत्ताको व्यबस्था गर्नुपर्छ ; सांसद महत

कावासोती । संघिय सांसद तिलक महतले राष्ट्रिय शानको लागि जिबनभर खेललाई आफ्नो पेशा बनाएका खेलाडीहरुका लागि अब राज्यले पेन्सन र भत्ताको व्यबस्था गर्नुपर्ने बताएका छन् । नबजागरण नमुना मा बि चोरमारा रंगशाला र प्रथम मध्यबिन्दु कप फुटबल प्रतियोगिता २०७६ को आज (आईतबार) उद्घाटन गर्दै प्रमुख अतिथी समेत रहेका सांसद महतले स्थानिय स्तरमा उत्पादन भएका खेलाडीहरुले राष्ट्रियताको शानलाई बचाउने एक हिस्सा भएकाले युवा खेलाडीहरुलाई राज्यले नै हेर्नुपर्ने बताएका छन् । सांसद महतले रंगशालालाई सम्पन्न गर्नका लागि लाग्ने लागतका लागि आफ्नो अगुवाई रहने बताएका छन् । १ बर्षभित्र सम्पन्न गर्ने गरि योजना बनाउन आयोजकलाई सुझाब दिदै यसका लागि नगरपालीका र सबैले सहयोग गर्नका लागि आग्रह गरेका छन् । यस क्षेत्रमा भएको रंगशालामा नगरपालीकाको बिशेष भुमीका रहने भन्दै संघ प्रदेश पनि यसप्रति चिन्तित रहेको स्पष्ट पारेका छन् । उद्घाटन कार्यक्रममा बोल्दै मध्यबिन्दु नगरपालीकाकी उपप्रमुख ओमकुमारी महत्तोले मध्यबिन्दु नगरपालीका भित्र भएका सम्पुर्ण बिकासी कार्यहरु नगरको योजनामा एकपछि अर्को हुदै आएको बताईन् । उनले शिक्षा स्वाथ्य बिकास निर्माणका हरेक कार्यलाई अगाडी बढाउदै रंगशालालाई सम्पन्न गर्नका लागि नगरपालीकाले पनि सहयोग गर्ने प्रतिबद्धता व्यक्त गरेकी छन् । साथै उनले अनुशासित खेलाडीले नै सफलता प्राप्त गर्न सक्ने भएकाले अनुशासनका साथ खेल्न पनि आग्रह गरेकी छन् । कार्यक्रममा बोल्दै मध्यबिन्दु बडा न ७ का अध्यक्ष अमृत प्रसाद ज्ञवालीले रंगशाला निर्माणका लागि बडाले ५ लाख रुपैया बजेट बिनीयोजन गर्ने आश्वाशन दिएका छन् । कार्यक्रमका अध्यक्ष एबं मैदान स्तरोन्नतीका अध्यक्ष श्याम पौडेलको सभापतित्वमा भएको कार्यक्रममा एन्फाका केन्द्रिय सहमहासचिब प्रकाश पंगेनि, एन्फा नबलपुर अध्यक्ष सेतमान पुन , मध्यबिन्दु नगरपालीका बडा न ४ देखी १५ सम्मका बडाअध्यक्षहरु , मध्यबिन्दु नगरशिक्षा समिति सदस्य प्रकाश चन्द्र पंगेनि मध्यबिन्दु उद्योग बाणीज्य संघका अध्यक्ष केदार पराजुली प्रतियोगिताको आधिकारीक मिडीया दर्पण एफ एम ९९.२ मेगाहर्जका अध्यक्ष भिमलाल अधिकारी , बिभिन्न सामुदायिक बनका अध्यक्ष तथा प्रतिनिधीहरु बिभिन्न पार्टि प्रमुख तथा प्रतिनिधी लगायतको सहभागिता रहेको थियो ।