ईतिहासको अभिलेख राख्दै नेपाली सेना : महासेनानी श्रेष्ठ

कावासोती । नेपाली सेनाले ईतिहासको अभिलेख राख्न लागि परेको महासेनानी ईश्वर कुमार श्रेष्ठले बताएका छन् । उनले नेपाली सेनाको एक टोलीले सिक्किम देखी सतलज सम्मका पुराना गढी किल्लाको अनून्धान तथा खोजी कार्य गर्न लागेको बताएका हुन् । नेपाली सेनाले आईतबार आयोजना गरेको नागरिकसँग छलफल कार्यक्रममा बोल्दै महासेनानी श्रेष्ठले यस्तो बताएका हुन् ।
आइतवार नवलपुरको कावासोती हात्तिखोरमा भएको अन्र्त्क्रिया कार्यक्रममा नेपाली सेना र आम समुदाय बीचको सम्बन्धका पछिल्लो बुझाई कस्तो रहेको छ, सेनाले आगामि दिनमा गर्नुपर्ने कार्यहरू के कस्ता रहेका छन् भन्ने विषयमा समेत छलफल तथा अन्र्त्क्रिया गरिएको थियो । कार्यक्रममा बोल्ने सहभागिले नेपाली सेनाले दुर्गमका क्षेत्रमा समेत आफ्ना कार्यक्रम लिएर जानुपर्ने, विपद व्यवस्थापनमा नेपाली सेनाको योगदान उच्च रहेको भन्दै अब आम नागरिकमा पनि विपद व्यवस्थापनका तालिमहरू सेनाले सञ्चालन गरी विपदको समयमा उद्धारमा खटिने गरी तयार पार्नुपर्ने, सेनाले हाल विभिन्न स्वास्थ्य शिविरहरू सञ्चालन गर्दै आएकोमा यसलाई बढाउनुपर्ने लगाएतका सुझाव दिएका थिए । पहिलेको भन्दा अहिले नेपाली सेना आम जनतासँग घुलमिल हुँदै गएको र नेपाली सेना प्रतिको सकारात्मक धारणाको विकास हुँदै गएको भन्दै अँझ यसलाई बढाउदै सेनाले सबै नागरिकका बीच पुग्न आवश्यक रहेको अन्र्त्क्रिया कार्यक्रममा सहभागिहरुको सुझाव रहेको थियो ।
अन्तरक्रिया कार्यक्रममा नेपाली सेनाद्धारा निर्माण गरिएको लघु कथा एवम बृत्त चित्र समेत प्रर्दशन गरिएको थियो । आयोजित अन्तरक्रिया कार्यक्रममा सरोकारवालाहरुले सेनाले नागरिक र समाजमा गर्नु पर्ने काम,कतव्यको बारेमा थप सुझाव दिएका थिए । कार्यक्रममा महासेनानी ईश्वर कुमार श्रेष्ठले नेपाली सेना सधैं जनतासँग नजिक भएर आफ्ना कामहरू गर्दै आएको बताउदै सोही अनुसारका गतिविधी सञ्चालन गर्दै आएको बताए । नेपाली सेना समाजका विभिन्न कार्यहरुमा लागिरहेको बताए । विभिन्न विपदका समयमा नेपाली सेनाले नागरिकसँग सहकार्यगर्दै उद्धारका कार्यमा खटिएको बताएका थिए ।
कार्यक्रममा नागरिक समाज, विभिन्न सङ्घ सस्थाका प्रमुख तथा प्रतिनिधि,पूर्व नेपाली सेना, पत्रकार लगाएतको सहभागिता रहेको थियो । कार्यक्रममा रेडियो कार्यक्रम प्रशारण गरेर आम श्रोता माझ पुर्याउन योगदना गरेको भन्दै रेडियो कावासोती १०२.६ मेगाहर्ज र गैडाकोटको बिजया एफएमलाई कदर पत्र सहित सम्मान गरिएको थियो ।