नवलपरासीमा भारतीय उखुको आयत बढदै,, स्थानिय किसान मर्कामा

नवलपरासी । नवलपरासीको सिमावर्ती क्षेत्रहरुमा भारतीय उखुको आयत बढदा यहाँका हजारौ किसानहरु उखुको उचित मुल्य पाऊन सकेका छैनन। दिनहुँ जसो हजारौँ क्विन्टल उखु सहजै बैल गाडामा जिल्लाको बसहिया नाका हुदै नेपाल भित्रिए पनि स्थानिय प्रशासन मौन बसेको छ। भारतीय उखुको खुल्लारुपमा आयत बढदाँ सिमा क्षेत्रमा लगाईएका दर्जनौ क्रसर उधोगहरुले मनमानी ढङ्गले रेटदर निर्धारण गरेर उखु खरिद गर्दै आएका छन। जिल्लामा अवस्थित बागमती सुगर मिल कुडिया,ईन्दिरा सुगर मिल गंगापुर र लुम्बिनी चिनी मिल सुनवल रहेपनि उक्त मिल संचालन देखी उखु कुन मुल्यमा खरिद गर्ने साथै भुक्तानीको समय सिमा मिलले निर्धारण गर्ने भएपनि हालसम्म संचालनमा नआऊदा उखु किसानहरुले मुख्य आम्दानीको स्रोत भएको हुदाँ आफ्नो गुजारा चलाऊन सस्तो दरमा करिब २५०/२६० प्रति क्विन्टलको दरमा उखु बेच्दै आएका छन। दैनिक रुपमा भारतिय उखु भित्रिए स्थानिय किसानहरु मर्कामा पर्ने र यसलाई नियन्त्रण गर्न प्रशासनको जिम्मेवारी रहेको उखु उत्पादक कृषक समितीका अध्यक्ष उमेश चन्द्र यादवले बताऊनु भयो। उचित मुल्य र समयमा भुक्तानी नपाऊदाँ यस बर्ष करिब २० प्रतिशत उखु उत्पादनमा कमी आएको यादवले बताए । गत बर्ष जिल्लामा १३ हजार ५ सय किसानहरुले करिब १८ लाख क्विन्टल उखु उत्पादन गरेको समितिले जनाएको छ ।