धारापानीमा भेटिएको शंकास्पद बस्तु स्याउ

भिम भुसाल
देवचुली। नवलपुरको देवचुली नगरपालिका ११ धारापानि चोकमा फेला परेको शंकास्पद बस्तु डिस्पोज गरीएको छ । बिहिवार विहान धारापानि चोकमा रहेको पिपल चौतारी रुखमा कपडाको झोला भित्र बावियोको डोरीले बाँधेर झुण्ड्याएको अवस्थामा भेटिएको शंकास्पद बस्तुलाई नेपाली सेनाको बम डिस्पोजल टोलिले डिस्पोज गरेको हो ।

डिस्पोज पश्चात, रुखमा भेटिएको शंकास्पद बस्तु फलफूल रहेको जिल्ला प्रहरी कार्यालय नवलपुरले जानकारी दिएको छ । झोला भित्र स्याउका दाना रहेको बताईएको छ । स्थानियमा श्रास उत्पन्न गराउन यस्तो कार्य गरेको हुन सक्ने प्रहरीले अनुमान लगाएको छ । विहानको ७ बजेको समयमा स्थानियले प्रहरीलाई शंकास्पद बस्तु भेटिएको भन्दै जानकारी गराएका थिए । जानकारी प्राप्त गर्ने बित्तिकै नेपाल प्रहरी शसस्त्र प्रहरी सहितको टोलिले सो स्थानलाई सुरक्षित बनाएका थिए ।