अभिभावक जागरुक भए किशोरी अधिकार संरक्षण हुन्छ

कावासोती । नेपालमा पछिल्लो समयमा किशोरीमाथी हुने असमानता, हिंसा र दृव्र्यवहारको अन्त्यको लागि किशोरीका अभिभावकहरु जागरुक हुन आबश्यक रहेकोमा सरोकारवालाहरुले जोड दिएका छन् । अभिभावक जागरुक भए मात्र किशोरी हिंसा न्युनिकरण संभव रहेको उनिहरुको भनाई छ ।
देवचुली नगरपालिका वडा नंं। ११ र जागृति बाल तथा युवा सरोकार नेपालद्धारा बुधबार आयोजितसरोकारवालाहरुको छलफल कार्यक्रममा उक्त बोल्ने बक्ताहरुले यस्तो बताएका हुन् । कार्यक्रममा बोल्दै भृकृटी बोडिंग स्कुलका प्रिन्सिपल ढाकाराम भट्टराईले भन्नुभयो,“देवचुली नगरपालिका शिक्षा र हरेक हिसावले अगाडी रहेको छ, बालमैत्री नगरको रुपमा समेत चिनिएकोले समेत यहाँका बालबालिकाहरुले पाउनुपर्ने हक, अधिकार पाएका छन् तैपनी केही समस्याहरु लागुऔषध दृव्र्यसन र खुलम खुल्ला रुपमा विक्रि वितरण गर्नाले बालबालिकाहरुमा नकरात्मक असर परेको छ । ” उहाँले यस कुराको न्युनीकरणका लागि जनप्रतिनिधीहरुले नीति निर्माण गरी कार्यान्वयनतर्फ जोड दिनुपर्ने बताउनुभयो ।

कायृक्रममा महिला अधिकारकर्मी बिमला अधिकारीले किशोरीहरुमाथी रहेको असमानताहरुको अन्त्यको लागि किशोरीहरुलाई तालिम सञ्चालन गरी उनीहरु मार्फत अभिभावकसम्म सन्देश फैलाउन सके यसको प्रभावकारीता हुने बताउनुभयो । उहाँले यसको लागि स्वयम किशोरीमा आधारीत कार्यक्रमहरु सञ्चालन गर्नुपर्ने भन्दै किशोरकिशोरीको उमेरमा नै शारीरिक, मानसिक, संवेगात्मक र अन्य विभिन्न खालका परिवर्तनहरु आउने र उनीहरुलाई सही समयमा मनोसामाजिक परामर्श आवश्यकता पर्ने बताउनुभयो ।प्रगतिनगर स्वास्थ्य चौकीका अहेव लिला डुम्रे भुसालले स्वास्थ्य संस्थाहरुबाट समेत यस्ता खालका कार्यक्रमहरु सञ्चालन हुने र यसको लागि समन्वय गर्नको लागि देवचुलीमा सञ्चालित किशोरी शसक्तिकरण कार्यक्रम अन्तर्गत सवै वडाहरुमा सरोकारवालाहरुसँगको छलफलको आयोजना गरी उनीहरुको क्षमता अभिबृद्धी गराई किशोरी अधिकारको बारेमा जानकारी प्रदान गर्ने बताउनुभयो । जागृति बाल तथा युवा सरोकार नेपालका सविता पंगेनीले किशोरीमैत्री नगरको लागि अभियान सुरु गरिएको बताउनुभयो ।

कार्यक्रममा वडा भित्रका युवाक्लव, आमा समुह, जनप्रतिनिधी, बालक्लव, विद्यालय, स्वास्थ्य संस्थाबाट प्रतिनिधीमुलक रुपमा ६० जनाको उपस्थिती रहेको थियो । कार्यक्रम देवचुली नगरपालिका नगर कार्यपालिका सदस्य शकुन्तला गुरुँगको अध्यक्षता तथा वडा अध्यक्ष रमेश ठाडामगरको प्रमुख आतिथ्यता रहेको थियो ।