नवलपरासीमा कार दुर्घटना एक जनाको मृत्यु, दुई जना गम्भिर घाइते

कावासोती । पश्चिम नवलपरासीमा बर्दघाटबाट त्रिवेणी जाँदै गरेको कार दुर्घटना हुँदा चालकको मृत्यु भएको छ । अन्य दुई जना गम्भिर घाइते भएका छन् । बिहीबार साँझ भएको दुर्घटनामा बा १२ च २००९ नम्बरको कारका चालक ४४ वर्षका हरि कृष्ण भुर्तेलको मृत्यु भएको हो । बर्दघाट नगरपालिका १६ का वडाध्यक्ष शुकबहादुर गुरुङले दिएको जानकारी अनुसार बर्दघाट नगरपालिका ४ निवासी रामप्रसाद पाण्डे र गोकर्ण शर्मा घाइते भएका छन् । उनीहरुलाई उपचारका लागि भरतपुर पठाइएको छ । तीव्रगतिमा रहेको कार अनियन्त्रित हुँदा बिजुलीको पोलमा ठोक्किएको हो ।