कावासोती नगरपालिकाले दियो एक सय ८८ जनालाई रोजगार

दयाराम आचार्य
कावासोती । पर्यटकीय क्षेत्रको विस्तार गर्दै पर्यटकहरुलाई आकर्षित गर्नकालागि नवलपरासीको कावासोती नगरपालिकामा रहेको गुन्द्रही ढकाहा मध्यवर्ती सामुदायिक वनमा पदमार्ग निर्माण गरिएको छ । वन्यजन्तुको अवलोकनकालागि आउने पर्यटकलाई पैदलयात्राको माध्यमबाट वन र वन्यजन्तुको अवलोकन गराउने उद्येश्यले पदमार्ग निर्माण गरिएको हो । अमलटारी घरबाससँगै रहेको यस वन क्षेत्रमा पा“च किलोमीटर नया“ पदमार्ग निर्माण गरिएको गुन्द्रही ढकाहा मध्यवर्ती सामुदायिक वनका अध्यक्ष नर बहादुर महतोले बताउनुभयो ।
प्रधानमन्त्री रोजगार कार्यक्रम मार्फत कावासोती नगरपालिका वडा नम्बर –१७, को बजेटबाट पदमार्ग निर्माण गरिएको हो । सो कार्यक्रम मार्फत रु.तीनलाखको बजेटमा वन क्षेत्रमा पन्ध्र दिन लगाएर २४ जनाले पदमार्ग निर्माण गरेको कावासोती नगरपालिका वडा नम्बर –१७,का वडा अध्यक्ष छविलाल महतोले बताउनुभयो ।
‘चितवन राष्ट्रिय निकुञ्जको मध्यवर्ती क्षेत्र, नारायणी किनार र अमलटारी घरबाससँगै रहेकाले यहा“ वन्यजन्तु अवलोकनकालागि आन्तरिक तथा बाह्य पर्यटकहरू आउने गर्दछन् ’ वडा अध्यक्ष छविलाल महतोले भन्नुभयो– उनीहरुलाई जिप सफारीसँगै पैदल यात्राको समेत अनुभूति दिनकालागि पदमार्ग निर्माण गरिएको हो ।

अमलटारी क्षेत्र पर्यटकहरुका लागि गैण्डा अवलोकनको गन्तव्य वन्दै गएको छ । यस क्षेत्रमा थप पर्यटकहरुलाई आकर्षित गर्नकालागि नया“ योजनाहरू निर्माण गरिरहेको वनका अध्यक्ष नरबहादुर महतोले बताउनुभयो । वन भित्र पैदलयात्र गर्न चाहाने पर्यटकहरुलाई सूरक्षाको उचित प्रबन्ध गरी सोही अनुसार पैदल सफारी गराइने उहा“ले बताउनुभयो ।
हाल बन्दाबन्दीको अवस्थाले कतिपयले रोजगार समेत गुमाएको हुदा प्रधानमन्त्री रोजगार कार्यक्रम मार्फत यस क्षेत्रमा पदमार्ग विस्तार र वन्यजन्तुकालागि जलाधार क्षेत्रको संरक्षण,सरसफाईका कार्यक्रमहरू सञ्चालन गरिएको छ । गुन्द्रही ढकाहा सँगै, शान्ति कुञ्ज, कृष्णसार र नमूना मध्यवर्ती सामुदायिक वन उपभोक्ता समूहमा पदमार्ग बिस्तारसँगै वन्यजन्तुको संरक्षण र पर्यटक लक्षित गरी कार्यक्रमहरू सञ्चालन गरिएको कावासोती नगरपालिका वडा नम्बर –१५,का वडा अध्यक्ष देवनारायण महतोले बताउनुभयो ।
कावासोतीको मध्यवर्ती क्षेत्र पर्यटकीय गन्तव्य भएकाले यसलाई लक्षित गरी काम गरिएको प्रधानमन्त्री रोजगार कार्यक्रम कावासोतीका संयोजक मुकुन्द सापकोटाले बताउनुभयो ।

वडा नम्बर ७, १०,१२,१३,१५ र १७ वडाको वजेटबाट वन क्षेत्रमा पदमार्ग निर्माणको काम गरिएको छ । करिब बीस किलोमीटर क्षेत्रमा पदमार्ग निर्माण हुने छ । हाल केही वन क्षेत्रमा पदमार्ग निर्माणको काम सञ्चालन भइरहेको छ ।
कावासोती नगरपालिकाले प्रधानमन्त्री रोजगार प्रणालीमा सूचिकृत एक सय ८८ जनालाई पन्ध्र दिनको दरले रोजगार प्रदान गरेको संयोजक सापकोटाले बताउनुभयो ।
बन्दाबन्दीको समयमा विपन्न नागरिकलाई केही भए पनि राहत मिलोस भनेर १५ दिनकालागि रोजगार प्रदान गरिएको उहा“ले बताउनुभयो । कोभीड १९का कारण बन्दाबन्दीहुदा प्रभावित भई राहत लिइरहेका र प्रधानमन्त्री रोजागार प्रणालीमा सूचिकृतहरुलाई प्राथमिकता दिएर रोजगार प्रदान गरिएको संयोजक सापकोटाले बताउनुभयो अन्य वडाहरुमा समेत बाटो र नाला निर्माण, सिचाई कुलो निर्माण लगाएतका काम सञ्चालन गरिएको उहा“ले बताउनुभयो । अहिले बन्दाबन्दीको समयमा रोजगार गुमेकालाई प्राथमिकता दिएर काम दिएका छौ’ संयोजक सापकोटाले भन्नुभयो–यसले विपन्नलाई केही भएपनी राहत हुनेछ । यस आर्थिक वर्षमा कुल रु. २३ लाख ५३ हजार बराबरको रोजगार शिर्जना गरिएको संयोजक सापकोटाले बताउनुभयो ।