नवलपुरमा पूर्वाधार मार्फत ३२ वटा सडक धमाधम निर्माण हुँदै

दयाराम आचार्य।
कावासोती। नवलपरासी पूर्व नवलपुरमा गण्डकी प्रदेश मार्फत सडक निर्माणका ३२ वटा योजना सञ्चालनमा रहेका छन् । पूर्वाधार विकास कार्यालय नवलपुरबाट हाल जिल्लाका विभिन्न स्थानमा ३२ वटा सडक निर्माणका योजना सञ्चालन भइरहेका छन् । सडक कालोपत्रे, स्तोरन्नती, नाला निर्माण सहितका योजना सञ्चालनमा रहेको पूर्वाधार विकास कार्यालय नवलपुरका प्रमुख लक्ष्मी प्रसाद भण्डारीले बताउनुभयो ।
गण्डकी प्रदेशको एक निर्वाचन क्षेत्र एक सडक अन्र्तगत चारवटा ठुला योजना सञ्चालनमा रहेका छन् । निर्वाचन क्षेत्र १ को ‘क’ अन्र्तगत मुकुन्दपुर –आहले–रतनपुर –डाँडा“झेरी हुँदै बुलिङटार जाने सडक अन्र्तगत १० किलोमीटर सडक निर्माणको काम सञ्चालनमा रहेको छ । दुई वर्षभित्रमा कालोपत्रे गर्ने गरी यो सडक निर्माणको काम दु्रत गतिमा चलिरहेको छ । यस्तै १ को ‘ख’मा मुण्डे देखी कीर्तिपुरसम्म १० किलोमीटर सडक निर्माण कार्य सञ्चालनमा रहेको छ ।
दुईको ‘क’मा मध्यविन्दु –११,स्थित क्याम्पसचोक देखी दमार – बतासा–जलुके हुँदै पाल्पाको निस्दी जोडने सडक अन्र्तगत नौ किलोमीटर कालोपत्रे गर्ने गरी सडक निर्माणको काम भइरहेको छ । दुईको ‘ख’मा चोरमारा–झलबास–बसेनी–रुचाङ्ग सडक खण्डमा ६ किलोमीटर सडक निर्माणको काम सञ्चालनमा रहेको प्रमुख भण्डारीले बताउनुभयो । चारवटै सडक खण्डमा निर्माणको काम सञ्चालनमा जारिरहेको र दुई वर्ष भित्रमा कालोपत्रे गरिने उहाँले बताउनुभयो । चारवटा सडक निर्माणका योजना सम्पन्न हुदा ३५ किलोमीटर सडक कालोपत्रे हुने छ । प्रत्येक निर्वाचन क्षेत्र अन्र्तगत सडक निर्माणको काम हुदा स्थानीय समेत खुसी भएका छन् । पहाडी क्षेत्र अन्र्तगतनै चारवटा सडक स्तरोन्नती हुने भएपछि यातायात सञ्चालनमा सुविधा हुने मध्यविन्दुका स्थानीय अमर सिंह बयम्वुले बताउनुभयो । ‘पहाडी क्षेत्रको समस्या भनेकै यातायाताको हो, सडक निर्माण पछि सहजता थपिने छ’ स्थानीय बयम्वुले भन्नुभयो–पहाडका कृषि उत्पादले समेत बजार पाउने छन् ।
चार वटा सडक मध्ये मुकुन्दपुर – आहले–रतपुर–डाँडाझेरी खण्डमा रु २४ करोड ८१ लख ७ हजार, मुण्डे –कीर्तिपुर सडक खण्डमा रु २८ करोड २३ लाख ४५ हजार लागत रहेको छ ।
क्याम्पसचोक देखी दमार – बतासा–जलुके हुँदै पाल्पाको निस्दी जोडने सडक खण्डमा रु १२ करोड ८२ लाख १० हजार र चोरमारा –झ्यावाल सडक खण्डको रु. १४ करोड ३८ लाख ६० हजार लागत रहेको छ ।

पूर्वाधार विकास कार्यालय मार्फत प्रदेशको वजेटमा थप २८ वटा साना सडक निर्माण कार्य जारिरहेको छ । साना योजना मार्फत १२.५ किलोमीटर सडक कालोपत्रे गरिने छ । पाँच सय मीटर ग्राभेल हुनेछ । एघार किलोमीटर सडकमा नाला निर्माण गरिने छ । चार हजार ५६ घनमीटर बराबर सडक टेवा पर्खाल लगाइने छ ।
बन्दाबन्दीको समयमा सडक निर्माणको योजना सञ्चालनमा केही समस्या भएको भएपनी समयमै काम सम्पन्न गर्ने लक्ष अनुसार हाल आवश्यक सूरक्षाको उपाय अपनाएर निर्माणको काम सञ्चालनमा रहेको कार्यालय प्रमुख भण्डारीले बताउनुभयो । ‘बन्दाबन्दीले केही प्रभावित भयो,तर समयमानै सक्ने गरी हामी लागि परेका छौ’ कार्यालय प्रमुख भण्डारीले भन्नुभयो ।