एक आर्थिक वर्षमा एक पर्यटकीय पूर्वाधार, कालीगण्डकी नदिमा जलमार्ग स्थापनाको लागि सम्भाव्यता अध्यन

दयाराम आचार्य । कावासोती ।
नवलपरासी पूर्व नवलपुरको बौदिकाली गाउँपालिकाले आफ्नो आगामि आर्थिक वर्षको नीति तथा कार्यक्रम सार्वजनिक गर्दै पर्यटन क्षेत्रको विकासमा जोड दिएको छ । गाउँपालिका भित्र एक आर्थिक वर्षमा एक वटा पर्यटकीय पूर्वाधार निर्माणमा गर्ने नीति तथा कार्यक्रममा उल्लेख गरिएको छ ।
पर्यटकीय क्षेत्र विस्तारका लागि कालीगण्डकी नदिमा पर्यटकीय जलमार्ग स्थापनाको लागि सम्भाव्यता अध्यनलाई समेत जोड दिएको छ ।
गाउापालिकाको पर्यटन गुरुयोजना तयार गर्ने, ऐतिहासिक,पुरातात्विक स्थलको संरक्षण, सम्बद्र्धन र प्रचार प्रसार गर्ने, गाउँपालिका भित्रका सम्भावित सबै विभिन्न स्थानमा सांस्कृतिक पहिचान सहितको होम स्टे सञ्चालन गर्ने कार्यलाई प्रोत्साहित गर्ने, ल्हापे र दराई सामुदायिक होमस्टेको क्षमता विकास गर्ने नीति तथा कार्यक्रममा समावेश गरिएको गाउ“पालिका प्रमुख प्रशासकीय अधिकृत प्रदिप चन्द्र सुवेदीले बताउनुभयो ।
बालीघाट क्षेत्र, अकलादेवी मन्दीर, बौदीकाली दोभान,मौला डाँडा,मौलाकाली डाँडा, चम्के गुफा, स्यालपानी लगाएतका विभिन्न गुफाहरु, शिरपोखरी तथा विभिन्न मन्दिर तथा गुम्वाहरू लगाएतका पर्यटकीय क्षेत्रको संरक्षण र प्रर्वद्धनको लागि आधारभुत पूर्वाधारहरुमा लगानी गरिने समेत प्रमुख प्रशासकीय अधिकृत सुवेदीले बताउनुभयो ।
अध्यक्ष दुर्गा बहादुर रानाले प्रस्तुत गर्नुभएको नीति तथा कार्यक्रममा सेतोपानी, वतासे गुफा जस्ता पर्यटकीय क्षेत्रहरुमा आधारभुत पर्यटकीय पूर्वाधार निर्माणमा जोड दिइने उल्लेख गरिएको छ ।