तिन सय बालबालिकालाई सीकाई सहजीकरण र शैक्षिक सामाग्री वितरण

कावासोती ।

नवलपरासी पूर्व (नवलपुरको ) कावासोती नगरपालिका १५ का ३ सय बालबालिकालाई सीकाई सहजीकरण पुस्तिका र शैक्षिक सामाग्री वितरण गरिएको छ ।
असल छिमेकी नेपाल पोखराले वडाभित्रका पाँच वटा बाल क्लबमा आबद्ध बालबालिकाहरुलाई उक्त सामाग्री वितरण गरेको हो । कावासोती नगरपालिका प्रमुख प्रेम शंकर मर्दनिया थारु र वडा नम्बर १५ का अध्यक्ष देव नारायण महतोले बालबालिकालाई सामाग्री वितरण गर्नुभएको थियो ।
कोरोना संक्रमणले कतिपय विद्यालय नखुलेको र खुलेका विद्यालयमा पनि नियमित पठनपाठन नहुँदा बालबालिकाहरु घरमा मोवाईल चलाउने , टिभि हेर्ने र खेलेर दिन बिताउदा उनीहरुको सीकाईमा असर परिरहेकाले घरमा बसेको समयमा पुस्तक पढेर ज्ञान हासिल गर्न सहयोग पु¥याउने उदेश्यले सीकाई सहजीकरण सामाग्री वितरण गरिएको असल छिमेकी नेपालका पुरन सोतीले बताउनुभयो । कक्षा तिनदेखि माथी कक्षा १२ सम्म अध्ययन गर्ने बालबालिकालाई उनीहरुको उमेर अनुसार उपयोगी हुने विभिन्न सन्देश मुलक कथा , जलवायु परिवर्तन , कोरोना भाइरस बारे जानकारी भएका पुस्तक र प्रति विद्यार्थी ६ वटा पेन्सिल , दुई वटा ईलेजर , दुई वटा सापनर , एक प्याकेट रङ्ग , कापी दुई वटाका दरले वितरण गरिएको सोतीले बताउनुभयो ।

सामाग्री पाएपछ बालबालिका पनि निकै खुसी थिए । पुस्तक पाएपछि बालक रामु गैह्रले पुस्तकमा कोभिड र वातावरण सम्बन्धि ज्ञानज्ञुनका कुरा रहकाले पढेर ज्ञान हासिल गर्न मदत पुग्ने बताउनुभयो ।
कार्यक्रममा बोल्दै नगर उपप्रमुख प्रेम शंकर मर्दनियाले वितरण गरिएको पुस्तकमा जलवायु परिवर्तन तथा कोराना संक्रमणका बारेमा उल्लेख रहेकाले बालबालिकाले आजैबाट यस कुरालाई बुझ्न सके भने सचेत र सजग हुन सक्ने बताउनुभयो । बालबालिकाको अधिकार सुनिश्चितताका सवालमा संस्थाले काम गरिरहेको भन्दै उहाँले यस्ता कार्यक्रमले बालबालिकालाई असल नागरिक बन्न सहयोग पु¥याउनेमा जोड दिनुभयो ।
वडा अध्यक्ष देव नारायण महतोले विश्वव्यापि रुपमा कोरोना संक्रमणले नेपालमा पनि विभिन्न क्षेत्रमा असर पु¥याइरहेको सन्दर्भमा बालबालिकाको पढाईमा समेत असर पु¥याएकाले बालबालिकाको सीकाईमा संस्थाले सहयोग पु¥याउनु निकै राम्रो काम रहेको बताउनुभयो ।
कार्यक्रम बाल क्लबका विक्रम भण्डारीको अध्यक्षतामा भएको थियो ।