नमुना पोष्टप्रकाशित मिति: २०७७ फागुन १०, सोमबार (७ महिना अघि)
चोरमारा । नेकपा केन्द्रीय सदस्य एवम् जिल्ला इञ्चार्ज तिलक महतले माधव नेपाल र प्रचण्डले नेपाली जनताले कम्युनिष्ट पार्टी माथि गरेको विश्वासमा घात गरेको बताउनु भएको छ । संविधान निर्माण र भारतिय नाकाबन्दी बिरुद्ध पार्टी अध्यक्ष एवम् प्रधानमन्त्री केपी शर्मा ओलिले खेलेको भुमिकाको उच्च सम्मान गर्दै नेपाली जनताले दिएको मत माथि माधव नेपाल र प्रचण्डले आफ्नो स्वार्थ पूर्ति गर्न थालेपछि प्रधानमन्त्री ओलिले बाध्य भएर प्रतिनिधि सभा विघटन गर्न परेको उहाँले बताउनुभयो ।
नेकपा (ओलि) समुहको मध्यविन्दु नगरकमिटीको बिस्तारित बैठकलाई आज चोरमारामा सम्बोधन गर्दै उहाँले नेपाली जनता भन्दा पद, पैसा र परिवार केन्द्रमा राखेर राजनिति गर्ने प्रवृत्तिको कारण अहिलेको अवस्था सृजना भएको बताउनुभयो । पार्टी महाधिवेशनबाट अध्यक्षमा पराजित व्यक्तिको पार्टी अध्यक्ष हुने माधव नेपालको अवैधानिक सोच र जनमत विपरित ओलिलाई प्रधानमन्त्रीबाट हटाएर आफु बन्ने प्रचण्डको दाउको कारण सरकारले आफ्नो र क्रियाशिलता अनुरुपको कार्य गर्न नपाएको उहाँले बताउनुभयो ।
केपी ओलि नेतृत्वको नेकपा मुलधार भएको भन्दै उहाँले सबै कम्युनिष्ट अर्दश र बिचार भएका व्यक्तिहरुलाई पार्टीमा गोलबन्द हुन आग्रह गर्नुभयो । बिस्तारित बैठकलाई सम्बोधन गर्दै उहाँले पार्टी संगठन चलायमान र अझ सशक्त बताउन सबै कमिटीमा आवद्ध सदस्यहरुलाई निर्देशन दिनुभयो ।
नेकपा केन्द्रीय सदस्य एवम् जिल्ला अध्यक्ष रोशन बहादुर गाहाले बिचार र दृष्टिमा केन्द्रीत भएर जनपक्षिय कार्य गर्न सदस्यहरुलाई निर्देशन दिदै प्राप्त जिम्मेवारीलाई गम्भीरता पूर्वक निर्भाह गर्न आग्रह गर्नुभयो । नेकपा मध्यविन्दु नगरकमिटिका संयोजक मधुविलास अधिकारीको अध्यक्षतामा भएको बैठकमा नेकपाका नगरकमिटीका सदस्य सहित जनवर्गिय कमिटिका सदस्यहरुको सहभागिता रहेको थियो ।
यसैबिच नेकपा मध्यविन्दु नगरकमिटीको कार्यालयको आज नेकपा केन्द्रीय सदस्य एवम् जिल्ला इञ्चार्ज तिलक महतले उद्घाटन गर्नु भएको छ । मध्यविन्दु–७ चोरमारामा उहाँले आज रिवन काटेर कार्यालयको उद्घाट गर्नु भएको हो । उद्घाटन पछि उहाँले पार्टी गतिविधि र संगठन सम्बन्धी कामले अब गति लिने बताउनुभयो । उद्घाटन कार्यक्रममा जिल्ला अध्यक्ष रोशन बहादुर गाहा, जिल्ला कार्यालय सदस्य भिमलाल अधिकारी, नारायण तिमिल्सिना सहितका नेता तथा कार्यकर्ताहरुको सहभागिता रहेको थियो ।
नमुना सन्देश साप्ताहिक द्वारा संचालित
नमुना पोष्टडट कम का लागि
कावासोती - २ नवलपुर
9867130145
[email protected]
[email protected]
