अनेरास्ववीयु नवलपुरको दुवै कमिटी अनाधिकृत : एमाले नवलपुर

कावासोती । नेकपा एमाले निकट अनेरास्ववीयु नवलपुरमा विवाद देखिएपछि अनाधिकृत गतिविधि नगर्न पार्टीले निर्देशन गरेको छ । पार्टी जिल्ला सचिव एवम् जनसंगठन समन्वय सयन्त्र प्रमुख भिमलाल अधिकारीले अनाधिकृतरूपमा अनेरास्ववीयु नवलपुर कमिटीको नाममा सामाजिक सञ्जालमा प्रचार प्रसार भइरहेको भन्दै त्यस्तो गतिविधि रोक्न ध्यानाकर्षण गराउनु भएको हो ।
नवलपुरमा अनेरास्वीयुको दुई वटा कमिटी घोषणा भएको छ । सुरज सापकोटा र बिष्णु पौडले अध्यक्ष रहेको छुट्टाछुट्टै कमिटी घोषण भएपछि पार्टी जिल्ला कार्यालयमा यस अगाडी बैठक समेत बसेको थियो । अनेरास्ववीयु नवलपुरको २०७८ फागुन १४ गते २५ औं जिल्ला अधिवेशन उद्घाटन सत्र सम्पन्न भई निर्वाचन कार्यक्रम स्थगित भएकोमा संगठनका केन्द्रीय सदस्यहरू र पार्टी जिल्ला नेतृत्वसंग आवश्यक परामर्श र छलफल गरी नेतृत्व चयन प्रक्रिया टुङ्याउने गरी निर्णय भएको स्मरण गराउदै उहाँले पार्टी जिल्ला सचिव अधिकारीले अनाधिकृतरूपमा फरकफरक व्यक्तिहरूबाट जिल्ला कमिटी घोषणा गरिएकोमा पार्टी जिल्ला कमिटीको ध्यानाकर्षण भएको जनाउनु भएको छ । जिल्ला पदाधिकारी र अनेरास्ववीयु केन्द्रीय सदस्यहरू बीच भएको बैठकबाट अर्को निर्णय नभएसम्मका लागि कमिटी घोषणा गर्ने, सपथग्रहण गर्ने जस्ता गतिविधिहरू नगर्न/नगराउन निर्देशित गर्ने निर्णय भएकोले सोही अनुसार गर्न उहाँले सबैलाई जानकारी गराउनु भएको छ ।
अनेरास्ववीयुको २५ औं जिल्ला अधिवेशनको निर्वाचन मण्डल गठनको बिषयमा विवाद भएपछि बन्द शत्र शुरूवात नभई स्थगित भएको थियो । यसबीच अनेरास्ववीयु केन्द्रीय सदस्य एवम् जिल्ला इञ्चार्ज सागर न्यौपानेले पार्टी नेतृत्व र विद्यार्थीहरू बीच छलफल नै नगरी एकलौटीरूपमा असार २६ गते आफु निकटका बिष्णु पौडेल अध्यक्ष रहेको कमिटी घोषणा गरेपछि अनेरास्ववीयुमा विवाद शुरूवात भएको हो । २५ औं जिल्ला अधिवेशन आयोजक कमिटी अध्यक्ष सुरज सापकोटाले अनेरास्ववीयु गण्डकी प्रदेश संयोजक प्रकाश पौडेलले नेतृत्व प्रदान गरेको पत्र सहित आफ्नो नेतृत्वको अर्को जिल्ला कमिटी घोषणा गरेका छन् ।