पहिरोले अवरुद्ध नारायणगढ–मुग्लिन सडक खण्ड आज नखुल्ने, लगातार पहिरो खस्न थाल्यो

चितवन । पहिरोले अवरुद्ध बनेको चितवनको नारायणगढ–मुग्लिन सडक खण्ड आज खुल्ने संभावना न्यून बनेको छ । आज साँझसम्ममा पहिरो हटाएर सडक संचालनमा ल्याउने प्रहरीको तयारी थियो । गयराति ११ बजेको समयमा भरतपुर महानगरपालिका–२९, केराबारीस्थित मौरी खोला पुलमा खसेको पहिरो आज हटाउन असंभव बनेपछि नारायणगढ मुग्लिन सडक खण्ड आज खुल्ने संभावना न्यून बनेको हो ।

जिल्ला ट्राफिक प्रहरी कार्यालय चितवनका प्रमुख धर्म अधिकारीले लगातार पहिरो खसिरहेकाले आज पहिरो हटाउने संभावना न्यून रहेको जानकारी दिए ।आज पहिरो हटाउने क्रममा सोही ठाउँमा अर्को ठूलो पहिरो खसेकाले पहिरो हटाउन थप समस्या भएको हो ।