नवलपुरमा मुख्यमन्त्री र सांसदहरुले शिलान्यास गरि गाडीएको पोल तोडफोड

खेमनारायण महतो
कावासोती । पूर्वी नवलपरासी कावासोती डण्डामा रहेको थारु राष्ट्रिय संग्रहालय अध्ययन केन्द्रमा गण्डकी प्रदेशका मुख्यमन्त्री र सांसदहरुले शिलान्यास गर्ने क्रममा गाडीएको पोलहरु तोडफोड भएको छ । हिजो बुधबार गण्डकी प्रदेश सरकारका मुख्यमन्त्री कृष्णचन्द्र पोखरेल, नवलपुर क्षेत्र नं. २ का संघीय सांसद तिलक महत र गण्डकी प्रदेशका प्रदेश सांसद विष्णु लामिछाने लगायतले संयुक्तरुपमा संग्राहलयको सटर निर्माण गर्न शिलान्यास गरेका थिए ।

शिलान्यास गरी गाडीएका पोलहरु गए राती अज्ञात समूहले तोडफोड गरेको थारु राष्ट्रिय संग्रहालय अध्ययन केन्द्रले जनाएको छ । अध्ययन केन्द्रले एक प्रेस विज्ञप्ती जारी गर्दै तोडफोड भएको जनाएको हो ।
विज्ञप्ती मार्पmत भौतिक संरचनामा क्षती पुर्याउनेलाई यथासक्य पहिचान गरी आवश्यक कार्वाही गर्न जिल्ला प्रशासन कार्यालय र सुरक्षा निकाय समक्ष माग गरेका छन ।