स्थानीय व्यवसायिद्वारा मध्यविन्दु नगरपालिकाको ध्यानाकर्षण

चोरमारा । नेपाल घरेलु तथा साना उद्योग महासंघ मध्यविन्दु नगर समितिले नगरपालिका तथा अन्य स्थानीय संघसंस्थाले सामाग्री खरिद गर्दा स्थानीय व्यवसायि र बजारबाट खरिद गर्न मध्यविन्दु नगरपालिका प्रमुखको ध्यानाकर्षण गराएको छ ।महासंघ मध्यविन्दुका अध्यक्ष देवलाल काफ्लेको नेतृत्वमा महासंघका सदस्य, स्थानीय व्यवसायिको उपस्थितिमा नगर प्रमुखलाई ध्यानाकर्षण गराइएको हो । ध्यानाकर्षण गराउदै स्थानीय सरकारलाई नियमित रुपमा कर तिर्दै आएका व्यवसायिहरु नगरबाट हुने खरिद पक्रियाबाट भने बञ्चीत हुनुपर्ने अवस्था रहेको बताएका थिए । नगरपालिका तथा स्थानीय संघसंस्थाको सहयोगी बनेका व्यवसायिहरु वर्तमान आर्थिक मन्दी लगायतबाट प्रभावित भएको अवस्था र स्थानीय निकाय र संघसंस्थाले खरिद गर्दा अन्य बजार क्षेत्रमा जाने पक्रियाबाट पीडित भएको अध्यक्ष काफ्लेले बताउनुभयो ।

ध्यानाकर्षण पत्र बुझ्दै नगर प्रमुख अधिकारीले बजारको बृहत्त बिकासको लागि नगरपालिका सदैव गम्भीर रहेको बताउनुभयो । उहाँले नगरपालिकाको तर्फबाट हुन सक्ने हरेक सहयोग गर्ने प्रतिबद्धता व्यक्त गर्नु भयो । उहाँले बजार क्षेत्र सिमित हुदा स्वस्थ प्रतिस्पर्धा, मुल्य लगायतको विषयमा समेत केही गुनासोहरु रहेको भन्दै त्यसको समाधानको लागि स्थानीय व्यवसायिहरु प्रतिबद्ध बन्न समेत आग्रह गर्नुभयो । उहाँले नगरपालिकाबाट हुने खरिद प्रक्रियामा केही नीतिगत व्यवस्थाहरु समेत रहेको भन्दै ति व्यवस्थाहरु पुरा गर्न समेत अनुरोध गर्नुभयो ।

मध्यविन्दु नगरपालिकाका प्रमुख प्रशासकीय अधिकृत ज्ञानु प्रसाद पनेरुले सार्वजनिक खरिद ऐन अनुसार नगरपालिकाले आवश्यक सामाग्रीहरु खरिद गर्ने भन्दै त्यसको पहिलो प्राथमिकता स्थानीय व्यवसायि नै हुने बताउनुभयो । उहाँले खरिद प्रक्रियामा सहभागी हुन समेत व्यवसायिलाई अनुरोध गर्नुभयो । सहभागी व्यवसायिहरुले खरिद प्रक्रियाबाट भएका खरिदहरुका गुणस्तरीताको प्रश्नहरु समेत उठ्ने गरेको भन्दै त्यसतर्फ समेत सजक गराएका थिए ।

महासंघ अध्यक्ष काफ्लेको संयोजत्वमा बुझाइएको ध्यानाकर्षण पत्रमा चोरमारा बजार बिकास समितिका अध्यक्ष अर्जुन पुरी , महासंघ उपाध्यक्ष धुव्र तिवारी, लायन्स क्लव अफ मध्यविन्दु अध्यक्ष शिव प्रसाद पोखरेल, महासंघ राष्ट्रिय सदस्य बिन्दु पोखरेल (काफ्ले), प्रज्ञा मल्ल, गंगादत्त भण्डारी, चोरमारा युवा क्लव अध्यक्ष शुरेस कुमाल, निर्माण व्यवसायि संघ जिल्ला सदस्य लाल प्रसाद पाठक, व्यवसायिहरु गोपाल प्रसाद भूर्तेल, ओम प्रकाश दवाडी, नारायण प्रसाद न्यौपाने, बुबाराम आर्याल, भिम हमाल, मनोज रामदाम, उपभोक्ता हकहित मञ्चका सतिस राई लगायतले हस्ताक्षर गर्नु भएको थियो ।

उक्त कार्यक्रमलाई महासंघका महासचिव बिशाल जंग थापाले सहजिकरण गर्नु भएको थियो ।