विदेश गएनौ भने ब्याचलर पढ्न तपाईहरुकै कलेजमा आउछौ सर !

सृजना पौडेल
सन्दर्भ आज म भाईलाई लिन उसको परिक्षा सेन्टरमा गएको थिए । अहिले कक्षा १२ को परिक्षा चलिरहेको छ । म परिक्षा सेन्टरको गेट नजिकै गएर बसेको थिए । मेरो नजिक ३ जना सरहरुले कक्षा १२ को परिक्षा सकिएपछि हाम्रो कलेजमा पढ्न आउ है भन्दै परिक्षा दिएर निस्किएका विद्यार्थीहरुलाई ब्रोसर बाढ्दै थिए । ति विद्यार्थीहरुले भन्दै थिए ‘कस्ले पढ्छ ब्याचलर हामी त विदेश जाने हो’ राम्रो नम्वर आए राम्रो देश जाने नत्र खाडीमा भएपनि जाने । कोही भने हुन्छ सर हामी विदेश गएनौ भने वा भिसा लागेन भने आउला नि ब्याचलर पढ्न तपाईहरुकै कलेजमा भन्दै थिए ।
त्यो भिडमा १० प्रतिशत विद्यार्थीले मात्रै हस् हामी पढ्न आउछौ भन्दै ब्रोसर समातेका थिए । अनि मैले आफु कक्षा १२ को परिक्षा सकेर गेट बाट बाहीर निस्किदा हामी साथीहरु बिच भएको कुराकानी सम्झिए हामी त यो कलेज पढ्ने त्यो कलेज पढ्ने भन्दै सल्लाह गरेका थियौ १० प्रतिशत जति मात्रै साथी विदेश जानी हो भन्थिए । तर अहिलेको माहोल हेर्दा र विद्यार्थीका कुरा सुन्दा अचम्म लाग्यो हुनत अचम्म पनि त किन मान्नु पर्यो उनिहरुले लिएको निर्णय पनि त खासै गलत हो जस्तो लागेन । अहिले मेरो आफ्नै साथिहरु त धेरै बिदेश गइसकेको छन । आजभोली आफु आईसोलेशनमा बसे जस्तो लाग्छ । सबैमिल्ने साथी विदेशमा छन अनि म साथीहरुको विदेश जाने भिडबाट छुटेर नेपालमै छु । अहिले १२ कक्षा पछि आफ्नो भविश्य विदेशमा देखेका छन सबैले । त्यो भन्दा त बिज्ञान, नेपाली, सामाजिक जस्तो विषयको सट्टामा जापनिज, कोरियन जस्ता विषय पढाउदा राम्रो होला समय त वर्वाद हुदैन विद्यार्थीको । अहिले विद्यार्थीलाई आफ्नो भविष्य नेपालमा नै छ नेपालमानै बसेर अझै पढ्नु पर्छ भन्ने वातावरण सृजना गर्नु पर्छ । कुनै पनि ट्रेन्ड धेरै समयसम्म त चल्दैन मार्केटमा तर विदेश जाने ट्रेन्डको आयु लामो रहेछ क्यारे अझै पपुलर हुदैछ दिन प्रति दिन । अब यस्तै हो भने अर्को वर्ष सत प्रतिशत विद्यार्थीले हामी विदेश जाने हो सर तपाई यसरी हाम्रो कलेजमा ब्याचलर पढ्न आउ भन्दै ब्रोसर बाढेर समय बर्बाद नगर्नु,बरु राम्रो कन्सलटेन्सीको ब्रोसर बाढ्न आउनु । हामी तपाईले भनेकै कन्सल्टेन्सीमा पढ्न आउछौ भन्छन होला ?