अरिङ्गालले टोक्दा अछाममा १ जनाको मृत्यु

कैलाली । अरिङ्गालले टोक्दा अछाममा १ महिलाको मृत्यु भएको छ ।जिल्लाको चौरपाटी गाउँपालिका–४ पायलकी ३५ बर्षिया सरस्वती देउकरको अरिङ्गालको टोकाइबाट मृत्यु भएको जिल्ला प्रहरी कार्यालय अछामले जानकारी दिएको छ ।

मंगलबार दिउँसो घर नजिकै रहेको बारीमा कोदोको नल काट्ने क्रममा अरिङ्गालको टोकाइबाट उनी घाइते भएकी थिइन् ।उनको न्याय हेल्थ अस्पताल बयलपाटा अछाममा उपचारको क्रममा मृत्यु भएको जिल्ला प्रहरी कार्यालय अछामका प्रमुख प्रहरी नायव उपरीक्षक सन्तोष पाठकले जानकारी दिए ।