दास्रो सदभाव सयपत्रि सेवेन ए साईड टुर्नामेन्टको उद्घाटन खेलमा रोयल राइनो विजयी

नवलपुर, मंसिर २२ । दास्रो सदभाव सयपत्रि सेवेन ए साईड टुर्नामेन्टको उद्घाटन खेलमा रोयल राइनो विजय भएको छ । रोयल राईनोले सयपत्रि युवा क्लब बि लाई ५ – १ गोलको अन्तरले हराएको हो । खेलमा सयपत्रि युवा क्लबका तारा थापा मगरले ह्याट्रिकमा ३ गोल र पुर्ण बाहादुर परियारले १ गोल गरेका थिए । रोयल युवा क्लबका मिसन क्षेत्रिले २ गोल गरेका हुन् । खेल नवलपुरको कावासोती नगरपालिका १६ वडा कार्यालय नजिकको सयपत्री खेल मैदानमा शुक्रबार देखि शुरु भएको हो ।

प्रतियोगितामा प्रथम हुनेले ५० हजार १ रुपैयाँ नगद पुरस्कार, शिल्ड र प्रमाण पत्र पाउने छ भने दोस्रो हुने समूहले ३० हजार १ रुपैयाँ नगद पुरस्कार, शिल्ड र प्रमाण पत्र पाउने छन् । त्यसैगरी उत्कृष्ट खेलाडी, सर्वाधिक गोलकर्ता र उत्कृष्ट गोलकिपरलाई पनि जनही २ हजार ५ सय रुपैयाँ पुरस्कार प्रदान गरिने आयोजकले जनाएको छ । कावासोतीमा रहेको सदभाव एजुकेशनले प्रयोजन गरेको प्रतियोगिताको सहयोगी संस्था कावासोती अस्पताल रहेको छ । आज कावासोती युवा क्लब कावासोती ८ र जुकेपनि चर्च युवा क्लब बिच प्रतिस्पर्धा हुने आयोजकले जनाएको छ ।