एमाले गैँडाकोटको अधिवेशन जेठ २५ गते, नेतृत्वका आकांक्षी को छन् ?

गैँडाकोट  । नेकपा (एमाले) गैँडाकोट नगर कमिटिको दोस्रो नगर अधिवेशन यहि जेष्ठ २५ गते हुने भएको छ । नेकपा (एमाले) गैँडाकोट नगर कमिटिको पूर्ण बैठकले जेठ २५ गते दोस्रो अधिवेशन गर्ने निर्णय गरेको हो ।

नेकपा एमाले गैँडाकोट नगर कमिटिका सचिव  जगन्नाथ पौडेलका अनुसार नगरका सबै १८ वडाहरुमा जेष्ठ १९ गते प्रतिनिधी छनौट गर्ने कार्यतालिका बनाइएको छ । दोस्रो नगर अधिवेशनले आगामी तीन वर्षका लागि ७५ सदस्यीय नगर कमिटि चयन गर्नेछ ।

नेकपा (एमाले) गैँडाकोटको नयाँ नेतृत्वका लागि धुव्रराम पौडेल, नगर कमिटिका सचिव जगन्ननाथ पौडेल, सहसचिव श्रीराम सुवेदी, युवा नेता कृष्ण कंडेल लगायतको नाम चर्चामा छ ।