आइतवार ग्रीन भेन्चर्सको आईपीओ बाँडफाँट

काठमाडौं । ग्रीन भेन्चर्स लिमिटेडको आईपीओ आइतवार चैत २० गते बाँडफाँट हुने भएको छ । विक्री प्रबन्धक लक्ष्मी क्यापिटलले आइतवार बिहान ८ बजे आफ्नै कार्यालय बानेश्वर, काठमाडौंमा आईपीओ बाँडफाँटको कार्यक्रम तय गरेको हो । प्रि अलोटमेन्टको कार्यक्रम भने मंगलवार नै सम्पन्न गरेको जानकारी क्यापिटललका प्रमुख सञ्चालन अधिकृत अतिस श्रेष्ठले दिएका छन् । कम्पनीले चैत ८ गतेदेखि ११ गतेसम्म सर्वसाधारणका लागि आईपीओ विक्री गरेको थियो । कम्पनीले सार्वजनिक निष्कासन मार्फत विक्री गरेको २८ लाख ७५ हजार कित्ता शेयर बाँडफाँट गर्नेछ । कम्पनीले सर्वसाधारणका कुल ३१ लाख २५ हजार कित्ता शेयर छुट्याएको हो ।

कुल कित्ता शेयरमध्ये ५ प्रतिशत अर्थात् १ लाख ५६ हजार २५० कित्ता सामूहिक लगानीकोषहरुका लागि बाँडफाँट गरिसकेको छ भने ३ प्रतिशत अर्थात् ९३ हजार ७५० कित्ता शेयर कर्मचारीहरुका लागि सुरक्षित गरेको छ । सार्वजनिक निष्कासनमार्फत विक्रीमा आएको शेयर खरीदका लागि २१ लाख ५७ हजार ६३१ जनाले आवेदन दिएका छन् । सिडिएस एण्ड क्लियरिङ्ग लिमिटेडले दिएको जानकारी अनुसार यी आवेदकहरुबाट रू। २ अर्ब ५९ करोड ४० लाख ५६ हजार बराबरको २ करोड ५९ लाख ४० हजार ५६० कित्ता शेयर खरीदको आवदन परेको हो ।

जुन मागभन्दा ९ गुणा बढी आवेदन हुन आउँछ । कम्पनीको आईपीओ भने योग्य आवेदनहरुमध्य भाग्यमानी २ लाख ८७ हजार ५०० जनाले मात्र १० कित्ताका दरले हात पार्नेछन् । कम्पनीले पहिलो चरणमा आयोजना प्रभावित स्थानीयमा शेयर बाँडफाँट गरी दोस्रो चरणमा सर्वसाधारणमा शेयर विक्री गरेको हो । यसअघि कम्पनीले स्थानीयमा फागुन २ गतेदेखि २० गतेसम्म ३१ लाख २५ हजार कित्ता शेयर विक्री खुला गरी रितपूर्वक आवेदन दिने सम्पूर्ण आवेदकहरुलाई सम्पूर्ण कित्ता शेयर फागुन २९ गते बाँडफाँट गरेको हो ।

हाल कम्पनीको संस्थापकहरुबाट चुक्ताभएको पूँजी रू। २ अर्ब ५० करोड रहेको छ । संस्थापकबाट ८० प्रतिशत शेयर चुक्ता भएको हो । सर्वसाधारणमा सामूहिक लगानीकोष र कर्मचारी सहित १० प्रतिशत र आयोजना प्रभावित स्थानीयमा रू। १० प्रतिशत शेयर बाँडफाँट पश्चात यो पूँजी रू। ३ अर्ब १२ करोड ५० लाख पुग्नेछ । यस कम्पनीले ओखलढुङ्गा जिल्लामा ५२ दशमलव ४ मेगावाट क्षमताको लिखु–४ जलविद्युत् आयोजना निर्माण सम्पन्न गरिसकेको छ । कम्पनीको वास्तविक प्रतिशेयर नेटवर्थ आर्थिक वर्ष ०७७र७८ सम्म रू। ९१ दशमलव ८६ रहेको छ । गत आर्थिक वर्षको अन्त्यसम्म कम्पनी रू। ९७ लाख ९९ हजार सञ्चित नोक्सानीमा रहेको छ । चालू आर्थिक वर्षको पुस मसान्तसम्मको अपस्किृत वित्तीय विवरण अनुसार भने कम्पनीको सञ्चित नाफा रू। ५ करोड २ लाखभन्दा बढी छ । समाचार abhiyandaily.com बाट साभार