कावासोतीमा वडाका जनप्रतिनिधीले गरे पदभार ग्रहण

खेम चौधरी 

कावासोती । स्थानिय तह निर्वाचन २०७९ मा निर्वाचित कावासोती नगरपालिकाका वडाअध्यक्षसहित सदस्यहरुले सोमबार बिहान पदभार ग्रहण गरेका छन् । वैशाख ३० गते सम्पन्न स्थानिय निर्वाचनमा विजयी भएका नगरपालिकाको १७ वटै वडाका जनप्रतिनिधीले औपचारिक रुपमा आजबाट कार्यभार सम्हालेका छन् ।

शनिबार र आइतबार सार्वजनिक विदा परेपछि सोमबार विहान जनप्रतिनिधिले पदभार ग्रहण गरेका हुन् । निर्वाचित जनप्रतिनिधीहरुलाई वडाका कर्मचारीले स्वागत गरेका थिए । साथै आजबाट नै स्थानियहरुको काम सहज रुपमा सुचारु हुने जनप्रतिनिधीहरुले बताएका छन् ।