फार्मेसी संघ नवलपुरको अध्यक्षमा विष्णु कंडेल

कावासोती । नवलपुरको कावासोतीमा रहेको नवलपुर अस्पतालका प्रमुख विष्णु कंडेल नेपाल फार्मेसी संघ नवलपुर अध्यक्ष भएका छन् । गत बिहिबार सम्पन्न प्रथम अधिवेशन बाट कंडेल अध्यक्ष भएका हुन् । सोही दिन कंडेल सहित ११ सदस्य समिति निर्विरोध चयन भएको छन् । उपाध्यक्षयमा नवदिप कोइराला , सचिवमा विश्व काफ्ले , सहसचिवमा शोभा शर्मा , कोषाध्यक्षमा हरी सुवेदी , सह कोषाध्यक्षमा तारा चालिसे , सदस्यमा झलक शर्मा , आयुष्मा पौड्याल, हेमन्त घिमिरे ,रामचन्द्र आचार्य र भिम प्रसाद पराजुली सर्वसम्मत चयन भएका हुन् । नवलपुर क्षेत्रका फार्मासिस्टहरुको सहभागितामा बिहिबार कावासोती नगरपालीकाको सभाहलमा अधिवेशन सम्पन्न भएको थियो ।
निर्वाचन पछिको छलफलमा केन्द्रीय फार्मेसी संद्यले १५ दिन भित्र औषधि पसल दर्ता सम्बन्धि नियमावलीे कावासोती नगरपालिकालाई प्रधान गर्ने निर्णय गरेको छ । नवनिर्वाचित अध्यक्ष विष्णु कंडलले अबका दिनमा औषधि पसल दर्ता गर्नको लागी काठमाडौं जान नपर्ने बताएका छन् । औषधि पसल दर्ता प्रक्रिया नगरपालिकाबाटै हुने उनले जानकारी दिए ।