युवा संघ मध्यविन्दुको अध्यक्षमा सुवेदी

चोरमारा । राष्ट्रिय युवा संघ मध्यविन्दु नगरकमिटीको अध्यक्षमा नविन सुवेदी चयन हुनु भएको छ । युवा संघ नगर कमिटीको चौथो अधिवेशनबाट सुवेदीको अध्यक्षतामा नयाँ नगर कमिटी गठन भएको हो ।
कमिटीकाे उपाध्यक्षमा सागर पाठक, सचिवमा राजेन्द्र सिंह ठकुरी, उपसचिवमा अमृत सुवेदी र कोषाध्यक्षमा विश्व महतो चयन हुनु भएको छ । युवा संघ नगर कमिटी अधिवेशनमा प्रमुख अतिथि तिलक महतले राष्ट्रिय युवा संघमा आवद्ध युवाहरुको पहिचान समाजमा रहेका अन्य युवाहरु भन्दा फरक र असल हुनुपर्ने बताउनुभयो ।
उहाँले मंसिर ४ गते हुने संघिय र प्रदेश चुवानमा पार्टीका उम्मेदवारहरुलाई निर्वाचित गर्नेगरी लाग्न समेत निर्देशन दिनुभयो ।
पार्टी केन्द्रीय लेखा आयोग सदस्य पद्मा जि.सी.ले पार्टी अध्यक्ष केपी शर्मा ओलि नेतृत्वमा बनेको सरकारले गरेका जनपक्षिय कार्यबाट अतालिएर अप्राकृतिक गठबन्धन निर्माण गरेर राष्ट्र र राष्ट्रियता विरुद्ध वर्तमान गठबन्धन सरकार लागि रहेको भन्दै त्यसलाई पराजित गर्न सबै युवाहरु एकबद्ध हुनपर्नेमा जोड दिनुभयो ।
कार्यक्रममा पार्टी जिल्ला अध्यक्ष मुक्तिराम पाण्डे, सचिव भिमलाल अधिकारी, उपसचिव भिम कण्डेल, राष्ट्रिय युवा संघ प्रदेश  सहइञ्चार्ज मदन गिरी, जिल्ला इञ्चार्ज दिपक शर्मा, जिल्ला अध्यक्ष कृष्ण कण्डेल लगायतको उपस्थिति रहेको थियो ।