कावासोतीमा एकीकृत समाजवादी निकट युवा संघको शक्ति प्रदर्शन

कावासोती । नेकपा एकीकृत समाजवादी निकट युवा संघ नेपालले नवलपुरको कावासोतीमा शक्ति प्रदर्शन गरेको छ । युवा जागरण महाकाली मेची अभियानको कार्यक्रम अन्र्तगत कावासोतीमा शक्ति प्रदर्शन गरेको हो । आज लुम्विनी प्रदेशको नवलपरासी पश्चिम सुनवलबाट प्रस्थान गरेको अभियानका टोलीलाई गण्डकी प्रदेशको कावासोतीमा स्वागत गदै शक्ति प्रदर्शन गरेको समाजवादी निकट युवासंघका  स्थायी कमिटि सदस्य एवं नवलपुर ईन्चार्ज प्रेमनारायण पाण्डेले जानकारी दिए । कावासोती १६ डण्डाको गैंडाचोक हुदै कावासोतीको फलफुलचोक सम्म मोटरसाईकल र्याली सहित पुगेर  युवासंघले शक्ति प्रदर्शन गरेको थियो । प्रर्दशनमा ३०० जना भन्दा बढीको सहभागीता रहेको नेकपा एकिकृत समाजवादी पार्टी नवलपुरले जनाएको छ ।

आजै डण्डामा आयोजित कोणसभामा अभियानको नेतृत्व गरेका नेकपा एकीकृत समाजवादी निकट युवा संघका अध्यक्ष नरेश शाही, पार्टीको केन्द्रीय युवाइन्चार्ज दिलु पन्त, पार्टीका नवलपुर इन्चार्ज डा. गोपाल खनाल,  युवासंघ  स्थायी कमिटि सदस्य प्रेमनारायण पाण्डे लगायतले बोलेका थिए ।  भदौ १५ गते महाकालीबाट सुरु भएको अभियान भदौ २३ गते मेची पुगेर समापन हुने कार्यक्रम रहेको छ । अभियानका टोलीलाई नवलपुरबाट बिदाई गरेर बाग्मती प्रदेशको चितवन पठाईएको  स्थायी कमिटि सदस्य एवं नवलपुर ईन्चार्ज  पाण्डेले जानकारी दिए ।