प्रगति आधारभूत बिद्यालयको ३७ औं वार्षिकोत्सव

आदर्श सुशिल
दलदले । देवचुली नगरपालिका १५ मा रहेको प्रगति आधारभूत बिद्यालयको ३७ औं वार्षिकोत्सव तथा अभिभावक दिवस शनिबार सम्पन्न भएको छ । बिद्यालय व्यवस्थापन समितिका अध्यक्ष ढुण्डिराम घिमिरेको अध्यक्षता तथा देवचुली नगरपालिकाका नगरप्रमुख पूर्णकुमार श्रेष्ठको प्रमुख आथित्यतामा कार्यक्रम सम्पन्न भएको हो । कार्यक्रममा शिक्षा विकास समन्वय इकाई नवलपुरका इकाई प्रमुख कृष्णचन्द्र पोख्रेल,देवचुली १५ का वडाध्यक्ष हरिभक्त भट्टराई,जनज्योति माध्यमिक बिद्यालयका प्रधानाध्यापक मिन बहादुर दाहाल,लगायतको उपस्थिति रहेको थियो । बिद्यालय प्रधानाध्यापक सुर्य रानाभाटले प्रगति प्रतिबेदन प्रस्तुत गरेका थिए । साथै वार्षिकोत्सवको अवसरमा शिक्षा क्षेत्रमा योगदान पुर्याउने बिभिन्न व्यक्तिहरुलाई सम्मान गरिएको थियो । सम्मानित हुनेहरुमा बिद्यालयका पुर्व प्रधानाध्यापक अर्जुन कुमार श्रेष्ठ,शिक्षक शमशेर बहादुर अधिकारी र मन्च निर्माण समितिका अध्यक्ष दिल बहादुर श्रेष्ठ रहेका छन् ।

प्रगति आधारभुत बिधालय निकट भविस्यमा जनज्योति माध्यमिक बिद्यालयमा समायोजन हुने निश्चित भैसकेको छ । बि.सं.२०३९ सालमा स्थापित सो बिद्यालयमा आधारभूत बिद्यालय भए पनि कक्षा ६ सम्म मात्रै पढाइृ हुने गरेको छ । बिद्यालयमा करिब १ सय १२ जनाको भर्ना भए पनि ८०/८२ जना बिद्यार्र्थी मात्रै नियमित बिद्यालय आउने गरेका छन् । बिद्यालय मा ५ जना स्थाई,१ जना अस्थाई,१ जना कार्यालय सहायक र दुई जना बाल शिक्षामा कार्यरत शिक्षक शिक्षिका रहेका छन् ।