मध्यविन्दुको  एनसेल टावरमा आक्रमण (भिडियो सहित)

कावासोती । पूर्बि नवलपरासीको मध्यविन्दु नगरपालिका ७ अम्ररामा रहेको एनसेलको टावरमा आक्रमण हुदा टावरको केही भाग जलेर ध्वस्त भएको छ । शुक्रबार राती करिब  ९ बजे एन.सेल.को टावरमा आगजनी भएको नवलपुर प्रहरीले जनाएको छ । नवलपुर प्रहरीका अनुसार विस्फोटबाट ऐनसेलको टावर ध्वस्त भएको छ । विस्फोट पछि आगो लागेको ऐनसेलको टावरको आगो नियन्त्रण एक घण्टामै प्रहरीले लिएको थियो । अहिले आगजनी भएको त्यो टावरले काम गरेको छैन । शुक्रबार एक्कासी देशका विभिन्न स्थानमा एनसेलको टावरमा वमविस्फोट तथा आगलागीको घटना भएका छन् । नवलपुर क्षेत्रमा भने शुक्रबार साँझ ५ बजेदेखि केही घण्टा एनसेलको नेटवर्कले काम गरेको थिएन् । टावर कसले र किन ध्वस्त पारेको थाहा नभएको प्रहरीले जनाएको छ । घटनाको अनुसन्धान भईरहेको नवलपुर प्रहरीले जनाएको छ ।