कावासोती नगरपालिकाले गत आर्थिक वर्षमा दियो १ सय ५० जनालाई स्वरोजगार तथा पुनर्ताजगी तालिम

कावासोती । नवलपरासी पूर्व नवलपुरको कावासोती नगरपालिकाले गरिवी निवारण कार्यक्रम अन्र्तगत स्वरोजगार तथा पुनर्ताजगी मार्फत १ सय ५० जनालाई तालिम प्रदान गरेको छ । मङगलबार कावासोती नगरपालिकामा पत्रकार सम्मेलनको आयोजना गरी नगरले गत आर्थिक वर्षमा गरेका कार्यहरु अन्र्तगत रोजगारी तथा उद्यमशिलता भित्र रहेर नगरले गत आर्थिक वर्षमा १ सय २४ जना महिला र युवा स्वरोजगार अन्र्तगत १ सय ५० जनालाई तालिम प्रदान गरेको  जनाएको हो । त्यस्तै प्रधानमन्त्री रोजगार तथा शहरी शासकीय तथा पूर्वाधार बिकास अन्र्तगत २ हजार ४ सय ४० जनाले प्रत्यक्ष रोजगारी पाएको नगरपालिकाका प्रवक्ता डोरमान गिरीले बताए । साथै सहकारीमा आवद्ध व्यक्तिलाई लेखा तथा सहकारी ब्यवस्थापन तालिम समेत प्रदान गरिएको बताईएको छ ।