कावासोतीको हलचोकमा दुर्घटना : ३ जना घाइते

कावासोती । पूर्वी नवलपरासीको कावासोतीमा दुर्घटना हुदा ३ जना घाइते भएका छन् । शनिबार करिब मध्यान्न १२ बजेको समयमा कावासोती ३ हलचोकमा अटो र स्कुटर एकआपसमा ठक्कर खादा उक्त दुर्घटना भएको हो ।

पूर्व पश्चिम राजमार्ग अन्तर्गत कावासोती बाट डण्डा तर्फ जादै गरेको गण्डकी प्रदेश ०४–००१ ह०२७८ नम्बरको अटो र डण्डा बाट कावासोती तर्फ आउदै गरेको ना ५८ प ७९०४ नम्बरको स्कुटर एकआपसमा ठक्कर खादा ३ जना घाइते भएका हुन् ।

दुर्घटनामा परि स्कुटर चालक हुप्सेकोट १ बेलुवा बस्ने बर्ष २६ को बिक्रम बास्तोला , स्कूटरमा सवार कावासोती १६ पिप्रेनी बस्ने वर्ष २० को अनिल नेपाली
र अटोमा सवार हुप्सेकोट १ बस्ने बस्ने मदन बहादुर बाह्रघरे घाइते भएका छन् । उनिहरुको अहिले मध्यबिन्दु जिल्ला अस्पताल डण्डामा उपचार भइरहेको छ ।